Bi boneya Cejna Remezanê xelkê Wargeha Penaberan a Mexmûrê berê xwe dan ser goristanê û cejnê pîroz kirin.
Xelkê Mexmûrê ji bo nimêja Cejna Remezanê serê sibê berê xwe dan mizgeftan. Piştî nimêja cejnê gel bi awayek girseyî çû ser goristanê û cejna miriyên xwe pîroz kirin.
Piştre ji wir jî berê xwe dan Saziya Malbatên Şehîdan a Mexmûrê, li wir cejna hev pîroz kirin. Li ser navên gelê Mexmûrê Mele Elî Sipêrtî li saziyê axivî.
Mele Elî Sipêrtî di destpêka axaftina xwe de cejna Rêberê Gelê Kurd Abdullah Ocalan, têkoşêrên Kurd û gelê Kurd pîroz kir û wiha got: “Em bi hêvî ne ev cejn bibe wesîleya azadî û aştiya mayînde. Pêwîste di roja cejnê de kesên ji hev xeyîdî li hev werin. Em wek gelên penaber bang li tevahî gelê Kurd dikin ku yekitiya xwe çêbikin û bi hev re aram jiyan bikin.”
Piştî axaftinan welatiyan cejna hev pîroz kirin.
