Şirnex – Walîtiya Şirnexê ji bo sivîlan ketina daristanan qedexe kir lê ji bo kesên daristanan talan dikin qedexe tune ye.
Walîtiya Şirnexê di malpera xwe ya fermî de ragihand ku ji bo hemû herêmên daristan ên Şirnexê ketina welatiyan qedexe ye. Li gor daxuyaniya walîtiyê ji 22yê tîrmehê heta 1ê îlonê herêmên daristan hatine qedexekirin.
Walîtiya Şirnexê îdia kir ku ev biryar ji ber şewat dernekeve girtiye. Lê li gor agahiyên me ji çavkaniyan stendine îro jî li gundên Cilbiya û Bilga yên di nava Çiyayê Cûdî de birîna daristanan berdewam e. Gundiyên ku bi rêya telefonê em pê re axivîn gotin ku walîtiyê ev biryar ji bo bi rehetî daristan bên talankirin daye.
Balkêş e ku piştî nûçeyên ajansa me yên derbarê birîna daristanan de hatin weşandin ev biryar derket.
