Li Şirnexê di çerçoveya “Civînên Aştî û Civaka Demokratîk” de li navçeyan, tax û gundan civînên gel tên li darxistin û li ser pêvajoyê nêrîn û pêşniyarên gel tên standin.
“Civînên Aştî û Civaka Demokratîk” ku bi pêşengiya Tevgera Jinên Azad (TJA), Partiya Herêmên Demokratik (DBP) û Partiya Wekhevî û Demokrasiyê ya Gelan (DEM Partî) li bajarên Bakurê Kurdistanê û Tirkiyeyê civînên gel didomin. Di çerçoveya Civînan de li Şirnexê û navçeyê wê civînên gel didomê.
Cizîr
Li navçeya Cizîrê gundê Emerîn û taxa Nûrê civîna gel hat li darxistin. Li taxa Nurê Parlamentera DEM Partî ya Şirnexê Newroz Uysal Aslan û gelek welatiyên taxê tevlîbûn. Civîn ji bo cangoriyên azadî û demokrasiye bi deqîqeyeke rêzgirtinê destpêkir. Pişt rêzgirtinê daxuyaniya Rêberê Gelê Kurd a bidîmên û merasîma şewitandina çekan a komeke gerîlayên Civaka Aştî û Demokratîk hat temaşekirin. Piştrê jî nivîsa qala nêrînên Rêberê Gelê Kurd Abdullah Ocalan li ser pêvajoyê û avakirina Civaka Demokratîk dike hat xwendin. Piştî xwendina nivîsê welatiyên tevlî civînê bibûn pirs û nêrînên xwe anîn ziman. Civîn nirxandina Newroz Uysal Aslan a li ser pêvajoyê bi dawî bû.
Hezex û Şirnex
Li navenda Şirnexê jî bi tevlibûna gelek welatiyan civîna gel hat li darxistin û di civînan de li ser pêvajoyê nirxandin hatin kirin. Li gundê Bafê yê Hezexê jî di çerçoveya civînan de aktivîstên TJA, endamên DBP û DEM Partî bi gel re hatin li cem hev û li ser pêvajoyê nirxandin kirin û welatiyên gund jî li ser pêvajoyê pirsên meraq dikirin pirsîn û nêrînên xwe vêgotin.
