Li navçeyên Silopya û Cizîrê civînên Aştî û Cikava Demokratîk hatin lidarxistin.
Li navçeyên Silopya û Cizîrê yên Şirmex di çarçoveya Pêvajoya Aştî û Cikava Demokratîk de civînên gel berdewam dikin. Îşev jî li taxa Şahîntepe ya Cizîrê û li taxa Yenîşehîr a Silopya bi tevlîbûna Endamê Meclîsa DBPê Bunyamîn Şeker, hevserokên DEM Partî û DBPê yên navend û navçeyan, Hevserokê Botan Tuhad-Derê û gelek welatiyan civîn pêk hatin.
Piştî rêzgirtina ji bo cangoriyên azadiyê dîmenên Rêberê Gelê Kurd Abdullah Ocalan û merasîma PKKê ya çek îmhakirinê hatin pêşandan.
Di civîna Cizîrê de Hevserokê Botan Tuhad-Derê Aydin Denîz axivî û got ku Rêberê Gelê Kurd Abdullah Ocalan dema biryara Pêvajoya Aştî û Civaka Demokratîk dayî baweriya Birêz Ocalan bi gel dihat û wiha axivî; “Îro Birêz Ocalan hêzek kurdewar li pişt xwe dibîne û bi vê ve girêdayî baweriya bi gel jî heye. Îro ev civîn xurtkirina pêvajoyê dide nîşan û gel dibêje em xwedî li gotina Rêber Ocalan derdikevin.”
Piştî axaftinan civîn bi pirsan û bersivandinê bi dawî bû.
