Di çarçoveya lêpirsîna li Sêweregê têkildarî revandin û tecavûzkirinê hatiye destpêkirin de, 14 kes hatin girtin.
Li navçeya Sêweregê ya Rihayê, jinek ji malê bi darê zorê hat revandin û piştre tecawiz lê hate kirin. Têkildarî bûyerê Serdozgeriya Komarê ya Rihayê lêpirsîn da destpêkirin. Di çarçoveya lêpirsînê de 20 kes hatin binçavkirin.
Karûbarên îfadeyê yên 20 kesên ku bi sucdariyên “êrîşa zayendî”, “bêparhiştina azadiya takekesî”, “parastina sûcdar” û “gefê ” tên darizandin duh dest pê kir. Ji kesên duh sewqî edliyeya navçeyê hatin kirin, 2 jê hatin berdan û 4 kes jî bi şertê kontrola edlî hatin berdan. Dadgeha Cezayê ya Sulhê ya Nobedar derbarê 14 kesên din de bi heman sûcdariyan biryara girtinê da û ew şandin girtîgehê.
