Li gundewarên Hesekê bi nêzîkbûna demsala havînê re cotkar şitilên sebzeyên havînê amade dikin. Ev amadekarî gaveke girîng e ji bo hilbirîna berhemên havînê.
Li gorî nûçeya ANHAyê; dema çandina şitilên sebzeyan ên havînê li zeviyan nêzîk dibe, lê amadekariyên vê demsalê beriya çend mehan dest pê kiribû. Şitil di kortikên nixumandî te têne amadekirn û paşê li zeviyan têne çandin.
Pêvajoya amadekirina şitilan ji bo amadekirina zeviyên bo çandina sebzeyên havînê gaveke bingehîn e. Di mişarên parastî de, tovên sebzeyan ên wekî bacan, bîber, bacanên reş û xirtik têne danîn da ku şitil bi awayekî parastî şîn bibin, berî ku li zeviyan werin çandin.
Ev rêbaz dibe alîkar ku bi awayekî parastî û mercên guncaw de şîn bibin. Ji ber eger rasterast li zeviyan bêne çandin dibe ku ji ber sermayê û baranê şîn nebin an ziyan li wan bibe.
amadekirina şitilan her sal di serê meha sibatê de dest pê dike, wê demê cotkar kortikan amade dikin û bi naylonê dinixumînin û tovên sebzeyan lê biçînin. Ev dema guncaw e ji bo çandiniyê, ji ber ku tov di jîngehek parastî, zuwa de şîn dibin.
Piştî ku şitil li baxçeyên parastî mezin dibin û ji bo çandina li axa vekirî amade dibin, cotkar derbasî qonaxeke din dibin. Di vê qonaxê de hewcedarî bi guhpêdanê heye. Şitil li zeviyên ku bi taybetî hatine amadekirin bi rêbaz û alavên taybet têne çandin.
