Îsraîl û DYAyê di seatên nîvro de bombebaranên giran pêk anîn. Fîloya veguhastinê ya Îranê, baregehên mihafizên şoreşê û gelek wargehên Besicê hatin bombebaran kirin û gelek windahiyên canî pêk hatin. Îranê jî bi moşekan li tesîsên Yekîtiya Îmaretên Ereb da û di encamê de şewatek mezin derket.
Şerê Îsraîl-DYA û Îranê di roja 17an de bi bomberanek giran didome. Di roja 17an de Îsraîl û DYAyê bombebaranek giran dan destpêkirin. Piraniya lêdanan li payteşt Tehran, Şîraz û Tebrîzê pêk hatin. Li gorî daxuyaniya Hêzên Parastina Îsraîlê (IDF) di pêla nû ya bombebaranê de binesaziya leşkerî, ewlehî û pîşesaziyê ya Îranê hedef hate girtin. Di daxuyaniyê de hate ragihandin ku çerçeveya operasyona di asta jor de hatiye berfirehkirin û bi dehan hedef hatine tunekirin.
Baregehên ewlehiyê yên Îranê dişewitin
Li gorî dîmenên ji hêla çavkaniyên herêmî re hatine belavkirin, di encama lêdanên balefirên şer de gelek avahî, baregeh û tesîs di encama êrişan de dişewitin. Di encama êrişên li Kolana Zarafşan û Şahrake Xerb ên li Tehranê de baregeh û avahiyên saziyên ewlehî û îdarî yên Îranê dişewitin.
Bi droneya xwekuji 25 leşkerên Îranê kuştin
Di operasyona li Tehranê de Îsraîl û DYAyê dronên xwekuj jî bikar anîn. Di encama êrişa dronek xwekuj a li Tehranê de bi dehan endamên Mihafizên Şoreşê yên li baxçeyê dibistanekê hedef hatin girtin. di encama teqîna pêk hatî de herê kêm 25 endamên rejîmê mirin û li gorî agahiyan gelek jî birîndar bûn. IDFê ev dîmen bi nîşeya, “Endamên rejîmê dibistanan bikar tînin. Ji cihên endamên rejîmê bikartînin dûr bisekinin” weşand.
Fîloya balefiran a veguhestinê hate îmhakirin
Li Balefirgeha Mehrabad a Tehranê jî teqînên mezin pêk hatin û şewat derket. Berdevkê IDFê dîmen û wêneyên êrişê parvekirin û diyar kir ku balefira ji bo kar û barên Rêberê Olî yê Îranê dihat bikaranîn û fîloya lojîstîk û veguhestinê ya Îranê bi tevahî îmha kirine.
Îranê li Yekîtiya Îmaretên Ereb da
Îranê jî wekî bersiva operasyonê êrişî tesîsên li Lîmana Fûjaîrah a Yekîitya Îmaretên Ereb kir. Di encama êrişên bi moşekan de li tesîsan teqînên mezin pêk hatin û piştre şeqat bi sotemeniya li tesîsan ket.
Êrişên her du aliyan jî berdewam dikin.
