Komek çekdar êrîşî gundek li Nîjeryayê kir. Di êrîşê de 8 jê zarok, herî kêm 30 kes hatin kuştin. Heta niha tu kes an jî rêxistin berpirsyariya êrîşê negirtiye ser xwe.
Komên çekdar êrîşî gundê Naridonê yê eyaleta Kaduna ya li bakurê rojavayê Nîjeryayê kir. Hat ragihandin ku di êrîşê de herî kêm 30 kes hatine kuştin ku 8 ji wan zarok in. Koma ku bêserûber gule reşand, piştre avahî dan ber agir. Heta niha tu kes an jî komên rêxistin berpirsyariya êrîşa ku jin, zarok û extiyar hedef girtine, negirtiye ser xwe.
Li bakur-rojava û navenda Nîjeryayê, komên çekdar gundan dikin hedef, ji bo fîdyeyê mirovan direvînin, talan dikin û ji ber nakokiyên erdê, êrîşan pêk tînin. Li bakur-rojhilatê welat, êrîşên Boko Haram û Dewleta Îslamî ya Afrîkaya Rojava didomin.
