Amed – Bi pêşengiya KASEDê û Şaredariya Sûrê ya Amedê li gundê Kabê ya navçeya Sûra Amedê Mîhrîcana Gundan a ji bo jin û zarokan dest pê kir.
Mîhrîcana Gundan a Sûr-Festê II ku di pêşengiya Komeleya Çand Hûner û Wêjê ya Jinan (KASED) û Şaredariya Sûrê de tê lidarxistin, li gundê Kabê ya navçeya Sûra Amedê dest pê kir. Di çarçoveya mîhrîcanê de ji sê gundên navçeya Sûrê jin û zarok tev li bernameyên huner û çandê yên mîhrîcanê bûn.
Bernamaya mîhrîcanê dê heya 22ê Îlonê berdewam bike. Di çarçoveya mîhrîcanê de komxebatên zarokan, cihên lîstokan, dîzayna çente û amadekirina tişortan dê bên kirin. Îşev jî dê ji bo zarokan bernameya şano û sînemayê were amadekirin û piştre dê di saet 19:30an de konsera Koma Sorjîyan were lidarxistin.
