Enqere – Li ser banga Koordînasyona ji NATOyê re Na, parlamenter jî di nav de endam û nûnerên partiyên sosyalîst û demokratîk Lûtkeya NATOyê protesto kirin. Di protestoyê de gelek kes hatin binçavkirin.
Li ser banga Koordînasyona Ji NATOyê re Na, li parqa Kurtuluş a navçeya Çankaya ya Enqereyê li dijî Lûtkeya NATOyê ku li Qesra Serokkomariyê pêk tê, çalakî li darxist. Serokê Giştî yê TÎPê Erkan Baş, parlamenterên EMEPê Îskender Bayha, Sevda Karaca û gelek endam û nûnerên partiyên sosyalîst tevlî çalakiyê bûn. Girsêya ku xwest lûtkeya NATOyê protesto bike ji aliyê polîsan ve hat dorpeçkirin. Girsê demekê dirêj di bin dorpeçê de ma û bi berzkirina dirûşmeyan nerazîbûna xwe nîşanî NATOyê da.
Lê girseya ku Lûtkeya NATOyê xwestin protesto bikin, rastî êrîşî polîsan hatin û gelek kes bi lêdanê hatin binçavkirin. Çalakiya li dijî NATOyê di bin dorpeça polîsan de berdewam dike.
