Li Wanê bi tevlibûna Hevseroka Giştî ya DBPê Çîgdem Kiliçgun Ûçar û Hevşaredarê Bajarê Mezin ê Wanê Abdullah Zeydan meşek girseyî hat lidarxistin.
Li Wanê piştî daxuyaniyê bi tevlibûna Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar û Hevşaredarê Bajarê Mezin ê Wanê Abdullah Zeydan meşek girseyî hat lidarxistin. Di meşê de dirûşmên “Bijî serok apo”, “Bê serok jiyan nabe” û “Gelê Wanê li vir e, xwedî vîna xwe derdikeve” hatin berzkirin. Girse heta ber avahiya DBPê ya Wanê meşiya û xelkê derdorê jî bi çepikên xwe piştgirî dan meşê.
Piştî meşê girse polîsan bi av û gazên îsotê êrişî ciwanên ku di nava kolanan de kombûn kir û di êrişê de gelek ciwan hatin binçavkirin. Di nava van ciwanan de gelek zarok jî hebûn û parlamentera DEM Partiyê ya Mûşê Sumeyye Boz bertek nîşanî binçavkirina zarokan da. Polîsan li ber deriyê DBPê jî gelek welatî binçavkirin û parlamenterên ku îtîraz vê yekê kirin bi êrişa polîsan re rû bi rû man.
