Şirnex – Li Şirnexê bi salan e cerdevan daran dibirin. Dimenên dawî yên birîna daran li herêma Besta û gundên Bilga û Cilbiya yên navçeya Silopiya ket destê Ajansa Welat. Di dîmen de tê dîtin ku bi hezaran dar hatinê birîn û li ser rê danê ser hev.
Li Şirnexê bi salane dar tên birîn û xweza tê talankirin. Li Şirnexê gelek herêm bi hinceta “Ewlehiyê” ji welatiyên wê re hatiye qedexekirin. Lê cerdevan serbest tev digerin û daran dibirin. Li Şirnexê birîna daran bi salane di rojevê de ye. Qadeke fireh a daristanê ji ber birîna daran hatiyê tunekirin. Cerdevan li çiyayên Gabar, Cûdî, Herêma Besta, navçeyên Qileban, Elkê û Silopiyayê bi salane ji daran dibirin û difiroşin. Li aliyê din kanên madenê vedikin û li petrolê digerin. Rayedarên dewletê talankirina çiyayê Şirnexê ji şîrketên bazirganiyê re serbest kiriye.
Bajarê Şirnexê bi xweza, çiya û daristanên xwe, warê jiyanê ye. Lê cerdevan û şîrketên taybet her roj xwezayê talan û wêran dikin. Niha li çiyayê Gabarê lêgerîna petrolê didrome. Çiyayê Cûdî bi kanên madenê yên cuda û lêkirina bendavan xweza hatiye talankirin. Ev çiyayên ku warê jiyanê bû û ji hezaran sewalan re bûbû wargeh, niha bûye cihê şîrketên bazirganiyê. Cerdevan darên temenê wan sed salî dibirin û difiroşin. Ev talanî bandorê li ser kêmbûna avê dike. Kêmbûna avê jî bandorê li ser jiyana mirov û sewalan dike.
Li herêma Besta birîna daran
Li Besta jî bi hinceta “Ewlehiyê” gelek herêm li welatiyan hatiyê qedexekirin. Lê cerdevan serbest li vê herêmê daran dibirin. Di dimenên dawî yên ku ketinê dest me, birîna daran şenber xuya dike. Welatiyeke/î ku bi telefona xwe birîna daran tomar kir û ji mere şand, xuya dike ku gelek dar hatinê birîn û ezingên wan hatine komkirni. Cerdevan li vir daran dibirin û difiroşin bajarên cûda. Li qadê xuya dike ku gelek dar hatinê birîn û darên hatinê birîn ketinê erdê. Li vir daristanê zerareke mezin dîtiye.
Cerdevan 3 sal in li Bilga û Cilbiya daran dibirin
Walîtiya Şirnexê gundên Bilga û Cilbiya weke “Herêma Ewlehiya Taybet” diyar kiriye. Lê li van gundan cerdevan 3 sal in daran dibirin. Leşker jî li vir ewlehiya cerdevanan digire. Bi hinceta “Ewlehiyê” daran dibirin û difiroşin bajarên derve. Welatiyên gundê Cilbiya û Bilga ku ji ber birîna daran bi bertekin li cihe ku dar tên birîn dimenek gihandin me. Di dimen de xuya dike ku gelek dar hatinê birîn. Qadeke mezin a daristanê tev tune bûye. Kom bi kom êzîng ji bo firotinê li keleka rê dane ser hev. Di dimen de welatiyek diaxivê û dibêje: “Hemû dar hatinê birîn. Di nav qada daristanê de rê birîne. Bax, bostanên welatiyan tev talan kirine. Darên ku temenê wan zêdetirî sed sal in birîne. Li vir hem xweza talan kirine û hem jê qut kirine.”
