Di rûniştina doza Narîn Guran ya hat qetilkirin de, li 15 kesên dihatin darizandin ceza hat birîn.
Zaroka 8 salî Narîn Guran di 21’ê Tebaxa 2024’an de li gundê Çûlî yê navçeya Rezanê ya Amedê winda bû û cenazeyê wê di 8’ê Îlona heman salê de hate dîtin. Doza têkildarî mirina Narîn Guran didome.Di cînayeta Narîn Guran de doza ji ber sûcê “veşartina sûcdaran” hatiye vekirin jî li 17’emîn Dadgeha Cezayên Giştî ya Amedê hat dîtin.
Di dozê de dotmama Narîn Guran ya bi navê Bîrsen Guran, mamê wê Fûat Guran, jinmama wê Maşallah Guran, hevjînê meta wê Mehmet Şevket Kaya, kurmetê wê Muhammed Kaya û karkerê Salîm Guran ê bi navê Mehmet Selîm Atasoy weke gumanbarên girtî; keçmeta Narîn Guranê ya bi navê Şeyma Kaya, jinmama wê Hediye Guran, mamên wê Îbrahîm Halîl, Bariş, Kurtuluş û Omer Faruk Guran û 3 zarokên din weke bersûcên negirtî tên darizandin.
Dozger ji bo 6 jê girtî 3 sê zarok der barê 15 gumanbaran de ji 6 mehan heta 5 salan ceza xwest. parêzerên gumanbaran li dijî mutalayê parastin kirin.
Dadgehê biryar axwe aşkera kir û der barê Bîrsen, Maşallah û Fûat Guran de 3 sal û 6 meh ceza û biryara berdewamkirina girtinê da. Der barê Muhammed Kaya, Şevket Kaya, Mehmet Selîm Atasoy de 3 sal û 5 meh cezayê girtîgehê û bi vê re jî biryara tahliyeyê da. Der barê gumanbarên din de jî 3 sal û 5 meh ceza hat dayîn. Ji bo zarokên gumanbar yên dihatin raizandin der barê R.A de salek 3 meh, ji b zarokên din salek û 8 meh ceza birî û HAGB pêk anî.
Dadgehê der barê sê gumanbarên din de jî sê sal 5 meh ceza birî û berdewama girtinê da.
