Li Amedê ji bo gerîlayan Dilzar Rêber Andok (Rojbîn Sonmez) û Devrîm (Mehmet Dogan) şîn hate danîn û bi girseyî serdana şînê hat danîn.
Ji bo gerîlaya YJA-Starê Dilzar Rêber Andok (Rojbin Sonmez) a ku di 31ê Cotmeha 2025an de jiyana xwe dest dabû û endamê PKKê Devrîm (Mehmet Dogan) ku sala 1994an di şerekî de jiyana xwe ji dest dabû, bi pêşengiya Komeleya Çand, Piştevanî û Alîkariyê ya Malbatên Xizmên Xwe li Dêrgûşa Şaristaniyê Winda Kirine (MEBYA-DER) li Mala Şînê ya Omerlî ya li navçeya Rezana Amedê şîn hat danîn.
Bi pêşengiya MEBYA-DERê bi beşdariya rêveber û nûnerên partiyên siyasî û rêxistinên sivîl serdana şînê hate kirin. Di şînê de sirûda “Çerxa Şoreşê” hat xwendin û dirûşmeyên “Şehîd namirin”, “Bijî Serok Apo” û “Ey şehîd xwîna te li erdê namîne” hatin berzkirin. Her wiha ji bo cangoriyên têkoşîna azadiyê rêz hat girtin.
‘Em deyndarên şehîdên xwe ne’
Endama MEBYA-DERê Meyrem Soylu di şînê de axivî û got: “Dema ku mirov qala şehîdan dike, her roj têkoşîna wan li ber çavan diçe û tê. Divê em xwedî li doza wan derkevin. Em deyndarên şehîdên xwe ne. Di vê pêvajoya ku hatiye destpêkirin de divê hê bêtir em hewl bidin têkoşînê mezin bikin. Çawa ku mafê hemû gelan ê azadiyê heye, mafê gelê Kurd jî yê azadiyê heye. Vîna wan gelek mezin bû ku çûn li dijî tang û topan şer kirin. Divê em neyên xapandin û li doz û şehîdên xwe bibin xwedî.”
