Dîrektorê ANFê Osman Kiliç ê ev demeke dirêj bû ji ber penceşêrê dihat dermankirin li bajarê Tielê yê Hollandayê gihişt şehadetê.
Dîrektorê Ajansa Nûçeya a Firatê (ANF) Osman Kiliç ê ku ji salên 1990î û vir ve di nava karên çapemeniya azad de xwedî kedeke mezin e îro li bajarê Tielê yê Hollandayê gihişt şehadetê. Kiliç zêdeyî du sal in ji ber penceşerêa pişikê dihat dermankirin.
Osman Kiliç sala 1968an di malbateke welatparêz de li Misricê hat dinê. Kiliç di ciwantiya xwe de neçar ma ku koçî Hollandayê bike. Kiliç li Ewropayê bi derdorên welatparêz re têkilî danî û di saziyan de tev li xebatan bû. Di salên 1990î de beşdarî xebatên Çapemeniya Azad bû. Kiliç li her qadeke çapemeniyê kedeke mezin da û di Med TV, Medya TVyê de wek damezrîner û rêveber cih girt. Kiliç wezîfeya dîrektoriya ajansa ANFê jî kir.
Kiliç ku ji Sibata 2024an û vir ve ji ber pirsgirêkên giran ên tenduristiyê dihat dermankirin û tevî hemû hewldanan nehat xelaskirin. Ji ber rewşa xwe ya giran ew rakiribûn nexweşxaneyeke li bajarê Tielê. Kiliç li nexweşxaneyê jiyana xwe ji dest da.
Hat ragihandin ku dê bi boneya şehadeta şehîdê çapemeniyê Osman Kiliç daxuyanî were dayîn.
