Wezîrê Şer ê DYAyê Pete Hegseth diyar kir ku nû dest bi şer dikin û dê êrişên li dijî Îranê zêde bibin. Fermandarê Amerîkî Caîne jî got ku dê bi awayek qedemeyî heta kûrahiyên Îranê êrişan pêk bînin.
Şerê Îsraîl, DYA û Îranê zêde dibin. Wezîrê Şer ê DYAyê Pete Hegseth derbarê pêşketina nûçeyan de daxuyaniyek da û derbarê şer de agahî dan. Hegseth got ku operasyonên leşkerî yên li dijî Îranê dê zêdetir bibin û hêzên Amerîkî niyet dikin ku operasyona xwe bi lez bidomin.
‘Kapasîteya Îranê kêm dibe’
Hegseth anî ziman ku niyeta Washingtonê nîne ku operasyonan kêm bike, lê berevajî wê plan dike ku êrîşan zêde bike. Hegseth wiha axivî: “Me hêj tenê dest pê kir. Em li şûna ku hêdî bikin, zêdetir diçin pêş. Di demek kapasîteya Îranê her saet kêm dibe, hêza Amerîkayê jî her ku diçe zêdetir dibe.”
Piştî kontrola hewayî dê bombeyên hasas bên bikaranîn
Wezîrê Şer Hegseth diyar kir ku di rojên nêz de bombebaran û balafirên şer yên din dê bişînin herêmê Hegseth daxuyand ku piştî hêzên Amerîkî kontrola esmanî bi dest xistin, dê balafirên wan bikarin bi awayekî berfireh bombên hêsas bikar bînin.
Li gorî daxuyaniya Hegseth, hêzên Amerîkî niha plan dikin ku bombên hêsas ên bi rêberiya lazer û GPS bikar bînin. Hegseth derbirî ku di envantera Amerîkayê de gelek bombeyên bi cureyên cuda hene û dikarin li dijî Îranê bên bikaranîn.
Emê êrişan bigihînin kûrahiyên Îranê
Fermandarê Hêzên Hewayî yê DAYê General John D. Caîne jî daxuyaniyên wekî Wezîrê Şer ê DYAyê da û got ku dê êrişên xwe zêde bikin. Caîne derbirî ku plana wan ew e ku gav bi gav êrişan ber bi hundirê Îranê ve bibin.
