Sefaretxaneya Îtalyayê ya li Tahranê xebatên we yên sefaretxaneyê ya li Îranê heta fermaneke nû bi giştî da sekinandin.
Derbarê mijarê de ji sefaretxaneya Îtalyayê daxuyanî hat dayîn. Di daxuyaniyê de hat gotin ku kar û barên sefaratxaneyê hatine rawestandin lê ji bo welatiyên îtalî yên li Îranê xizmetên lezîn dê bidomînin. Her wiya redevûyên ku berê hatibûn girtin jî di çarçoveya biryarê de hatin rawestandin.
Bername betal bûn
Girtina sefaretxaneya Îtalyayê ji bo welatiyên li îranê derbeyeke mezin e. Ji ber ku sefaretxaneya Îtalyayê ji bo welatiyên Îranê deriyê derketine derve ya ger û geştê bûn. Piştî girtina sefaretxaneyê li Îranê tu derek namîne ku welatiyên îranî karibin di ser riya fermî derkevin derve û biçin Ewropayê. Di vê rewşê de bi sedan malbat û xwendevan bernameyên xwe betal kirin.
Artêşa Îranê wekî terorîst hatibû îlankirin
Piştî xwepêşandana li Îranê û kamkujiyên ku pêk hatin welatên Rojava li dijî Îranê helwestên xwe tundtir nîşan didin. Piştî ku rejîma Îranê bi hazaran xwepêşandêr kuşt welatên Ewropayê jî bi yek helwestê hêza Îranê ya bi navê Muhafizên Şoreşê wek hêza terorîst bi nav kiri û xiste lîsteya Terorê ya Yekîtiya Ewropayê. Her wiha welatê Ewropayê xebatên konsolasxaneyên xwe rawestandin.
Bazirganiya Îtalyayê ya bi Îranê re jî xurt bûn lê biryara YEyê ev car kolektîf û tund bû. Îtalyayê jî di vê çarçoveyê de biryarên xwe li gori YEyê da û sefaretxane girt.
