Di maça duyemîn a çarîk fînalê ya Kupaya Cîhanê de Îspanya Belçîkayê têk bir û di nîvefînalê de bû reqîbê Fransayê.
Kûpaya Cîhanê bi kelecanek mezin berdewam dike. Tûrnûva bi maçên çarîka fînalê didome, di maça yekemîn a di çarîk fînalê de duh Fransa û Fas hatibûn hemberî hev û Fransa Fasê bi 2-0 têk biribû.
Îro jî di saet 22:00an de li Stada SoFiyê ya Los Angelesê ya Amerîkayê Îspanya û Belçîka hatin hemberî hev. Îspanya heta çarîk fînalê jî tu gol nexwar û bi awayekî serkeftî hat heta vê astê. Îspanyayê di tûra 16emîn de jî yek ji favoriyê Kûpaya Cîhanê Portekîzê têk biribû.
Belçîka jî di Grûba Dyê de ji rêza yekemîn derbasî tûra 16emîn bûbû, yek ji mazûvanê tûrnûvayê DYAyê 4-1 têk biribû û bûbû reqîbê Îspanyayê.
Îspanya mohra xwe li lîstikê da
Maç heta deqîqeya 29an bi serkeftina Îspanyayê berdewam kir lê di aliyê pozîsyonan de her du tîm jî lawaz bûn. Îspanya di deqîqeya 29emîn de bi gola Fabîan Ruîz skor kir 1-0. Belçîka di deqîqeya 40emîn de bi gola Charles De Ketelaere skorê kir 1-1. Bi vê golê re Îspanya di Kûpaya Cîhanê de gola yekemîn xwar.
Di beşa yekemîn de skor neguherî û beşa yekemîn bi skora 1-1 bi dawî bû.
Di beşa duyemîn de her du tîm jî listîkek baş danîn kirin û pozîsyon jî dîtin. Di deqeya 71emîn de kalevanê Belçîkayê Thibaut Courtois bi sedema ku seqet bû, ji lîstikê derket û şûna wî Semme Lammens kete lîstikê. Di deqîqeya 87emîn de Mikel Merino şûta ji kalevanê Belçîkayê Semme Lammens vegeriya kir gol û Îspanya skorê kir 2-1. Di demên dawiyê de Belçîka nekarî skorê bike berambere û maç 2-1 bi serkeftina Îspanyayê bi dawî bû. Îspanya bi vê skorê di nîvefînalê de bu reqîbê Fransayê.
Maçên çarîk dînalê yên din jî şeva 11ê Tîrmehê ku girê dide 12ê Tîrmehê di saet 00:00an de Norveç û Îngilistan tên hemberî hev û di saet 04:00an de jî Arjantîn û Swîsre dê werin hemberî hev.
