Îranê biryar girt ku girtiyên siyasî yên li Girtîgeha Evînê li girtîgehên Tehranê yên Mezinî û Qûmê bi cih dike. Biryara rejîmê metirsiya ku girtiyan wekî metralên zindî bikarbîne derxist holê.
Êrişên Amerîka-Îsraîl yên li ser Îranê ku di 28ê Sibatê destpê kirin û bi bersivdana Îranê re belavî qadeke berfirehtir bû. Bîlançoya şer a mirovî û madî jî her ku diçe giran dibe. Rejîma Îranê hem hewl dide bersiva şer bide hem jî dixwaze pêşî li serhildana gel bigire.
Girtiyên li dijî biryarê derketin rastî îşkenceyê hatin
Malpera Dengê Binçavkiriyên Kurd û Îranê têkildarî rewşa dawî ya girtiyên li girtîgeha Evînê agahî parve kirin. Hate ragihandin ku rejîma Îranê biryar daye ku girtiyên li Girtîgeha Evînê ji bo girtîgehên Tehranê ya Mezinî û Qumê veguhezîne, lê girtî li dijî vê biryarê nerazîbûn nîşan dane û hat diyarkirin ku girtî ji aliyê rayedarên girtîgehê ve hatine îşkencekirin.
Reşîma dixwaze girtiyan wekî mertal bikar bîne
Sala borî jî di 24ê Hezîranê de Girtîgeha Evînê di dema şerê navbera Îsraîl û Îranê ya 12 rojî de, ji aliyê Îsraîlê ve hate bombebarankirin. Di encama êrişê de 71 kesan jiyana xwe ji dest da û girtiyên siyasî ji bo girtîgeha mezin a Tehranê û girtîgeha Qerçekê hatibûn şandin. Ev biryara rejîma melayan di nave gel de bû sedema fikarên ku rejîm dixwaze girtiyan wekî mertalê zindî bikar bîne.
