Amadekariyên pêşxistina têkiliyên dîplomasiyê yên di navbera DYA û Îranê didomin. Îranê ragihand ku wan Tengava Hurmuzê bi hinceta Îsraîlê bi awayeke domdar êrişî başûrê Lubnanê dike, girtiye.
Bi agirbesta di navbera Dewletên Yekbûyî yên Amerîkayê (DYA) de hewldanên çareseriyên dîplomasiyê dihatin kirin. Îran êrişên Îsrîlê yên li dijî Hizbullahê yên li başurê Lubnanê hincet nîşan da û careke din Tengava Hurmizê girt.
Alîkarê Serokê DYAyê JD Vance roja Yekşemê gihîşt Swîsreyê. Tê payîn ku danûstandinên nû di nava rojê de dest pê bikin. Di heyeta Îranê de Serokê Meclîsê Mohammad Baqer Qalibaf û Wezîrê Derve Abbas Araqçî jî cih digirin.
Ji bilî rayedarên Amerîkî û Îranî, Serokwezîrê Pakistanê Şehbaz Şerîf û Fermandarê Hêzên Çekdar ên welatê wî Asim Munîr jî beşdarî civînan dîplomatîk bibin. Pakistan di dema şer de rola navbeynkarî lîst. Wezareta Derve ya Pakistanê di daxuyaniyekê de got ku piştgirîya bicihanîna lihevhatinên navbera Îran û DYAyê didomîne.
JD Vance beriya ku biçe Swîsreyê got ku hêvî dike di mijarên nûkleerî û agirbestê ya Lubnanê de pêşketin were bidestxistin. Wî di derbarê pevçûnên navbera Israîl û Hizbullahê de got ku rewş hinekî aramtir bûye, lê pêdivî ye ku ew her tim were şopandin. Berdevkê Wezareta Derve ya Îranê Îsmaîl Beqaî jî got ku welatê wî dê daxwaza bicihanîna sozên aliyê din bike.
Îran: Nêzî tengavê nebin
Di destpêka hefteyê de serokên ABD û Îranê li ser lihevhatineke pêşîn a ji bo rawestandina şerê herêmê, di nav de Lubnan jî, razî bûn. Peyman şert dike ku di nav 60 rojan de danûstandinên ji bo lihevhatineke dawî bidomin. Di heman demê de êrîşên Israîlê li başûrê Lubnanê didomin. Îranê ragihand ku girtina Tengava Hurmuzê bersivek e li hember van êrîşan. Hêzên Pasdarên Şoreşa Îranê jî hişyarî dan keştiyan ku nêzî tengavê nebin.
Lubnan: Îsraîl 15 kes kuştin, mafê bersivdana me heye
Tehranê di daxuyaniyekê de got ku êrîşên Israîlê li dijî peymana ku bi Washingtonê re hate kirin in. Her çend di 20ê Hezîranê de agirbestek navbera Israîl û Hizbullahê hate ragihandin, lê piştî çend saetan Israîlê dîsa li başûrê Lubnanê êrîş kir. Li gorî rayedarên Lubnanê, di êrîşên dawî de herî kêm 15 kes hatine kuştin. Hizbullahê ragihand ku mafê bersivdanê ji xwe re diparêze. Her weha Israîl jî Hizbullahê hişyar kir ku agirbestê binpê neke.
Di aliyê siyasî de JD Vance di 18ê Hezîranê de rexne li hikûmeta Israîlê girt û got: “Donald Trump îro yek ji hindik serokên dewelatan e ku hîn jî bi sempatiyê li Israîlê dinêre û daxwaz kir ku rayedarên Israîlê rastiya rewşa xwe bibînin.” Di heman demê de Donald Trump jî Israîl rexne kir diyar kir ku li dijî Lubnanê Îsraîl hêzeke zêde bi kar tîne. û bûye sedema mirina sivîlan. Li gorî şîrovekaran, Washington dixwaze peyama piştgirîya agirbestê û lihevhatinê ji Tehran û welatên Kendava Farsê re bişîne.
