Nivîskar û hunermendan serdana Hevşaredarên Elihê Gulistan Sonuk û Yeşîl Işik kirin.
Şandeyek ji hunermend, nivîskar û rojnamevanan pêk dihat serdana Hevşaredarên Bajarê Êlihe Gulistan Sonuk û Yeşîl Işik kirin û piştgiriya xwe anîn ziman. Heyetê duh jî Hevşaredarên Bajarê Mezin ên Mêrdînê ziyaret kiribûn. Di serdana hevşaredaran de Nivîskar Oya Baydar daxuyanî da û got: “Em; xwediyê hevpar ê vê xakê Tirk, Kurd, Ermen, Rûm, Laz, Ereb, Çerkez, Roman, Misilman, Xiristiyan, Mûsewî, Suryan, Êzidî, Sûnî, Elewî, yên bi bawerî û bê bawerî, bi rengîniya xwe em zarokên vî welatî ne. Em mirovên baş û bi wijdan in ku bi jin, mêr, ciwan extiyar dixwazin şa bin” û bi vî rengî dewam kir: “Yên vî welatî bi rê ve dibin; hûn ji bo aştî, bawerî û aramiyê hatin hilbijartin. Bi gotinên kîn û nefretê me ji hev cuda nekin, baweriya me ya bi maf û hiqûqê tine nekin. Zanibin ku em vê rêveçûnê qebûl nakin.
Kiryarên qeyûm ên zêde bûne, mafdariya me ya ji ber fikaran nîşan da. Yên ku îro gotina milî ji ser zimanê wan kêm nabe, ji hilbijêrên bajar û navçeyên ku bi binpêkirina îradeya hilbijêran qeyûm li wan hate tayînkirin dibêjn, ‘Em we ji milet nabînin’. Bi kiryarên kêfî yên ku zerarê didin hesta edaletê derbê li demokrasiyê û aştiya navxweyî dixin. Em dixwazin bi bîr bixînin ku qeyûm ne tenê biryareke îdarî ye. Girtina sindoqa hilbijartinê ye ku bermahiya dawî ya demokrasiyê ye. Em; bi navê mirovên ku dixwazin hurmet ji aştî, edalet û îradeya milet re bê nîşandan hatine vê derê ku ji siyaseta qe ya qeyûm a kêfî û antî demokratîk re bibêjin, em razî nîne. Em hatin vê derê ji bo piştgiriya xwe bi hilbijêrên îradeya wan hatiye desteserkirin nîşan bidin. Em bang li desthilatdariyê dikin ku dest ji kiryara qeyûm berde, bang li hemû aktorên siyasî dikin ku li ber siyaseta qeyûm rabin. Em ji vê derê careke din dubare dikin. Em ji kiryarên qeyûm re razî nînin ku li dijî demokrasî û îradeya gel e.”
Kesên ku beşdarî heyetê bûn wiha ne:
Serokê Federasyona Amedê AlÎ Îhsan Dinçer, Akademîsyen Ayşe Erzan, Hekîm Ayten Yildirim, Akademîsyen Berrin Sonmez, Binnaz Toprak, Parlamenterê berê Celal Korkut Yildirim, Oldar Ekrem Baran, Mîmar Enes Atila Pay, Nivîskar Erdogan Aydin, Rojnameger Fazil Alp Akiş, Gulayşe Koçak, Nûnerê saziya civakî Gulseren Onanç, Radyovan Gurhan Ertur, Niviskar Îslam Ozkan, Nivîskar Mehmet Altan, Siyasetmedar Mehmet Saltoglu, Nivîskar Murathan Mungan, Siyasetmedar û Seroka ANAPê ya berê Nesrin Nas, Rojnameger Nilay Akgun, nivîskar Nurcan Baysal, Muxavîr Nurten Ertugrul, Nivîskar Orhan Alkaya, Orhan Silier, Oya Baydar, Omer Faruk u Hekîm Tatyos Bebek
