Li gorî Peymana 29ê Çileyê li ser riyên di navbera Hesekê û Reqayê de xalên kontrolê yên hevbeş hatin avakirin û rê ji hatinûçûnê re hatin vekirin.
Gavenên pêkanîna Peymana 29ê Çileyê ya di navbera Hêzên Sûriyeya Demokratîk (HSD) û Hikûmeta Demkî ya Şamê de berdewam dikin. Li gorî peymanê îro di seatên nîvro de Hikûmeta Demkî hêzên xwe yên li herêmê bi temamî vekişandin Reqayê û li ser riya Ebyad Ebyad ku dikeve navbera her du bajaran, noqteyên kontrole yên hevbeş hatin çêkirin. Li vir tenê dê yekîneyek ji deh kesan pêk tê a Şamê cih bigire. Piştî bi cihbûna hêzên asayîşê riya di navbera Hesekê û Reqayê de ji hatinûçûnê re vebû.
Riya di navbera Hesekê û Şedadê de vebû
Di çarçoveya heman pêkanînê de piştî Hikûmeta Demkî hêzên xwe yên leşkerî vekişandin riya di navbera Hesekê û Şedadê de jî ji hatinûçûnê ve vebû. Di navbera Hesekê û Şedadê jî noqteyek hevbeş hate avakirin. Li vir hem hêzên Hikûmeta Demkî hem jî Asayîşa Rojava cih digire.
Riyên Hesekê û Hol, Ebyad û Tilberak jî bi heman awayî piştî vekişiyana hêzên Hikûmeta Demkî ji hatinûçê re vebûn.
