Stenbol – Rojnameger Alî Duran Topûz destnîşan kir ku “Konferansa di Sedsala Duyemîn de Veguherîne Komara Demokratîk” bi aweyekî serkeftî pêk hatiye û got: “Hezên demokratîk ji bo li dijî politîkayên şer bisekinin divê polîtîkayan çêbikin û saziyan ava bikin. Ji bilî Kurd û çapemeniya azad tu hêz tune ye ku li dijî polîtîkayên hegemonan bisekine.”
Bi tevlîbûna gelek rewşenbîr, akademîsyen, siyasetmedar, akademîsyen, rojnameger û nivîskaran di 12 û 13ê Hezîranê de li Stenbolê “Konferansa di Sedsala Duyemîn de Veguherîna Komarê ya Demokratîk” hate lidarxistin. Rojnameger Alî Adnan Topûz ê tev li konferansê bûye têkildarÎ girîngî û nîqaşên di konferansê de hatine kirin axivî.
‘Hêzên demokratîk cuda lê yên hegemon li gel hev in’
Alî Duran Topûz destnîşan kir ku divê îro hêzên demokratîk li dijî hezên hegomonîk xwe li pêş bixin û got: “Hezên hegomonîk ne bi gotinan û ne jî bi amûreke din têk naçin. Îro li cihanê li hemberî hezên hegomonîk tu hezên demokratîk tune ye. Tenê li Tirkiyeyê heza Gelê Kurd heye. Tevgera Kurd li Tirkiyeyê ji bo mafê gelek derdorên cuda tevdigere. Tevgera Kurd li ser mafê gelên din, ekolojiye, karkeran û demokrasiye dexibite. Lê siyaseta Tirkiyeyê zêde bêlav bûye. Di pirsgirêkan de nabin yek deng. Pirsgirêka Kurd li ser milê Kurdan, pirsgirêka ekolojiyê jî îro tenê li ser milê gundiyan e. Hezên cuda cuda nayên gel hev, lê li Tirkiyeyê jî hezên hegomon li gel hev in.”
‘Hegemon nahêlin hêzên demokrasiye bên gel hev’
Di berdewamiya axaftina xwe de Alî Duran Topûz destnîşan kir ku kesên demokrasiyê dixwazin divê werin gel hev û wiha bi dirêjî da axaftina xwe: “Ji ber ku hezên tên gel hev dikarin rêya demokrasiyê vekin. Li Tirkiyeyê hezên hegomon rê nadin hezên demokrasiye bên gel hev. Hegemon di navbera Kurd û Kizilbaşan de cudahî çêdike û dixwaze ew jî neyên gel hev. Li Tirkiyeyê bi salan e tevgera ciwanan hatiye şikandin. Dewlet hevhatina gel ji bo xwe wekî taluke dibîne. Îro li Tirkiyeyê hezên sosyalîst û sosyal demokrat zêdetir wekî nijadperestan tevdigerin.” Alî Duran Topuz diyar kir ku pêvajoya li destpêkirin pir girîng e û wiha pê de çû: “CHPê jî li dijî pêvajoyê nesekinî. Pozîsyona CHP di serî de baş bû lê paşê tu planek derneket holê û hezên hegomonîk êrişî CHPyê kirin. CHP li dijî pêvajoyê bisekinîya, dê ev tişt nehatana serê wê. Ji ber ku desthilatdar dixwaze xwe tenê weke cihê çareseriyê bibîne.”
‘Kesên ku demokrasiyê dixwazin ne li vir bûn’
Alî Duran Topûz bi bîr xist ku pêkanîna konferansê girîng bû û da zanîn ku divê xebatên bi vî rengî zêdetir bên kirin û wiha axivî: “Ev konferans ne bêbandor e, bi serkeftî pêk hat. Lê îro medyaya mezin di destê desthilatdarê de ye. Hezên demokratîk jî ji bo li dijî wan bisekinin divê polîtîkayan çêbikin û saziyan ava bikin. Lê ji bilî tevgera Kurd û çapemeniya azad tu hêz tune ye ku li dijî wan bisekinê. Heval û hogirên Kurd, hin kesên cuda li vir bûn. Lê kesên ku demokrasiyê dixwazin ne li vir bûn. Ji bona wê jî bandora konferansê jî sînordar dimîne. Ev kêmasiyek mezin e. Bi organîzasyonên cuda em dikarin van xebatan berfirehtir bikin. Kemasiya kesên ku ji xwe re dibêjin hezên demokratîk derket holê.”
‘Çi bibe bila bibe herdem dê daxwaza gelan pêk were.”
Di dawiya axaftina xwe de Alî DuranTopûz anî ziman ku civaka Kurd bi çapemenî û hezên xwe çi pêk hatiye dizanê û got: “Lê ev zanîn terê nake. Belê gelê Kurd bi Serok û heza xwe bawer e. Gelê Kurd bi dengê Serokê xwe hêvîdar e. Lê gelê Kurd tenê dimîne. Çareserî tenê di navbera gelê Kurd û dewletê de bimîne em nikarin bibêjin ‘rêya çareseriyê dê biçe encamê.’ Ji ber ku di nava planên hezên hegomon û neolîberal de çareserî tune ye. Ew her dem li dijî fikra azadî û aştiyê ne. Her çar parçayên Kurdistanê jî hezên hegomonîk wekî faîlê navnetewî tevdigerê. Hem li Tirkiyeyê hem jî cihên din dixwazin fikra azadiyê bifetisînin. Wekî din jî Tirkiye ditirse ku gelê Kurd bi hezên din re tevbigere û sekna Tirkiyeyê vala derxe. Ez hêvîdarim ku planên hezên hegomonîk çi bibe bila bibe, her dem dê daxwaza gelan pêk were.”
