Platforma Ked û Demokrasiyê li pêşîya avahîya DEM Partiyê ya Geverê bi boneya salvegera erdhêja 6 Sibatê ya Maraşê daxuyanî da û got: “Heta ku berpirsiyar werin darizandin, heta ku qurbaniyên erdhejê bigihîjin şertên mirovane dê têkoşîna me bidome.”
Di salvegera erdhejên di 6ê Sibata 2023an de li 11 bajarên Tirkiyeyê û Kurdistanê deh hezaran welatî di bin kavilan de jiyana xwe ji dest dan û sed hezaran kes birîndar bûn. Piştî erdhejên dijwar gelek xanî hilweşiyan, bi milyonan welatî bê cih û war di şertên zivîstanê de têkoşiya jiyanê dan meşandin. Platforma Ked û Demokrasiyê di salvegera erdheja 6ê Sibatê de daxuyanî da. Daxuyanî bi deqeyekê rêzgirtinê dest pê kir. Mesût Altekîn daxuyaniya bi Tirkî xwend.
‘Desthilat daxwazên mutehîdan guhdar kir’
Mesut Altekîn di daxuyaniyê de anî ziman ku hişyariyên zanist, odên pîşeyî û rêxistinên civaka demokratîk bî salan e nehatine guhdarkîrîn û wiha got: “Desthilatdar daxwazên mutehitan guhdar kir.”
‘Têkoşîn dê dawiyê bidome’
Di dawiya axaftina xwe de Altekîn da zanîn ku ew kesên ku jiyana xwe ji dest dane ji bîr nakin û wiha got: “Heta ku berpirsiyar werin darizandin, heta ku qurbaniyên erdhejê bigihîjin şertên mirovane û heta ku pergala rantê bi dawî dibe dê têkoşîna me bidome.”
