Gelê Hezexê li dijî tiryakê çalakî li dar xist û xwestin ku pêşî li bikaranîna tiryakê be girtin.
Tevgera Jinên Azad (TJA), Partiya Herêmên Demokratik (DBP) û Partiya Wekhevî û Demokrasiyê ya Gelan (DEM Partî), li dijî tiryakê li kolana Hunerê ya navçeya Hezexê ya Şirnexê daxuyanî dan. Dayikên Aştiyê, saziyên sivîl ên Şirnexê û gelek kes tevlî daxuyaniyê bûn. Di daxuyaniyê de pankarta ku li ser, “Ji tiryakê re na” dinivisî hat hilgirtin.
Girseyê beriya daxuyaniyê belavok belav kirin û piştre jî bi pankartê heta Kolanê Hunerê meşiyan. Girseyê di meşê de bênavber dirûşmeyên “Hezex ranekeve xwedî li civanan derbikeve” û “Ji tiryakê re na” berz kirin.
Li vir daxuyani hat dayin. Endamê DEM Partî Îslam Atça daxuyanî xwend. Îslam Atça anî ziman ku hejmara bikaranina tiryakê di salên dawî de zêdetir bûye û wiha got: “Bi wê re giredayî hejmara mirina bi sedema tiryakê jî zêdetir bû ye. Madeyên tiryakê û tehdîda madeyên hişber, ku bi taybetî ciwanan hedef digirin û heke tevdîr neyên girtin dê bigihje astên xeternak. Bi vê têgihîştinê re; hewldanên li dijî hilberîn û belavkirina madeyên hişbir, dûrxistina madeyan ji bikarhêner û pêşîgirtina li gihîştina van madeyan ji bikarhêner re lezgîn in. Em hemû saziyên giştî, bi taybetî dezgehên dadwerî û îdarî, vedixwînin ku tevdîran bigirin. Em bang li saziyên giştî, rêxistinên civaka sivîl û gelê xwe dikin ku bi hev re li dijî bikaranîna madeyên hişbirê ku hewl tê dayîn li navçeya me belav bibe, şer bikin.”
Daxuyanî bi berzkirina dirûşmeyan bi dawî bû.
