Li gorî agahiyên tên parvekirin Serokê DYAyê Donald Trump bi şandina keştiyên balafirên şer amadehiya mudaxileya Îranê dike.
Dewletên Yekbûyî yên Amerîkayê bi Serokatiya Donald Trump plansaziyên xwe yên li Rojhilatan Navîn dixwaze bêyî astengî têxe dewrê. Yek ji van plansaziyan yek jî hilweşandina Rejîma îranê ye. DYA div ê çarçoveyê de keştiya balefirên şer a bi Abraham Lincoln û keştiyên şer ên pê re, roja duşemê gihîştin Kendava Basrayê. Trump di daxuyaniya xwe ya ji bo Axiosê de diyar kir ku DYAyê li peravên Îranê “armadayeke pir mezin” bi cih kiriye û got ku ev hêz ji yê li beravên Venezuelayê jî mezintir e.
Donald Trump di heman daxuyaniya xwe de îdia kir ku Îran dixwaze bi DYAyê re peymanekê çêbike û wiha “Ew peymanekê dixwazin. Ez vê dizanim. Gelek caran geriyan. Dixwazin biaxivin.”
Plansaziyên tên kirin
Li gorî nûçeya Axiosê, di nav plansaziyên rêveberiya DYAyê de li dijî bombekirina hedefên leşkerî û hedefgirtina rayedarên payebilind ên Îranê hene. Li gorî analîstan, armanca van plansaziyan ew e ku Rêberê Olî Ayetullah Elî Xameney yê ku ji sala 1989an ve li ser desthilatê ye û rejîma Komara Îslamî ya Îranê ya ku ji sala 1979an ve heye qels bikin an jî bi dawî bikin.
Gumanên qelsbûnê yên rejîmê
Li gorî nûçeya New York Timesê, servîsên îstîxbaratê yên DYAyê ji Donald Trump re ragihandine ku rêveberiya niha ya Îranê “qels dibe” û ji dema hilweşandina rejîma Şah a sala 1979an û vir ve, di “serdema xwe ya herî lewaz” de ye. Senatorê Komarparêz Lindsey Graham jî ji rojnameyê re axivî û da zanîn ku di rojên borî de bi Trump re hevdîtin kiriye û wiha got: “Armanc bidawîkirina rejîmê ye.”
Alozî kur dibe
Li aliyê Îranê di rojên dawî de zimanekî baldarî derdikeve pêş. Rêveberiya Tehranê berê ragihandibû ku kanaleke pêwendiyê ya nerasterast bi DYA’yê re vekirî ye. Lê roja sêşemê rageşî dîsa bilind bû. Berdevkê Pasdarên Şoreşê di daxuyaniya xwe ya ji bo rojnameya Hamşahrî got ku heke keştiya balefiran a DYAyê bikeve nav avên herêmî yên Îranê, dê bibe hedefa wan.
Gefên hevrikan
Rojnameya Javan a muhafezekar jî destnîşan kir ku Îran ji bo “bersiveke mezin” amade ye û dikare Tengava Hurmizê, ku ji bo veguhastina neft û gaza xwezayî ya cîhanê xwedî girîngiyeke jiyanî ye, bixe bin kontrola xwe.
Bi wêneyan helwesta ‘xapandinê’
Hevdemî van daxuyaniyên xwe, li kolanên Tehranê li ser tabelayeke mezin cih kiriye. Di tabeleyan de keştiyeke balefiran a DYAyê wekî hatiye rûxandin tê nîşandan.
