Li eyaleta Belucistan a Pakîstanê li dijî trenekê ku personelên leşkerî û malbatên wan tê de bûn êrişa bombeyî pêk hat û herî kêm 24 kes mirin, zêdetirî 50 kes jî birîndar bûn.
Li eyaleta Belucistanê ya li başûrrojavayê Pakîstanê, êrişeke bombeyî li hemberî trenekê hate kirin ku personelên leşkerî tê de bûn. Rayedaran diyar kirin ku di êrişê de herî kêm 24 kesan jiyana xwe ji dest dan, zêdeyî 50 kes jî birîndar bûn.
Li Belucistanê rageşî didome
Belucîstan ku eyaleta herî mezin a Pakistanê ye, di heman demê de yek ji wan herêman e ku ji aliyê aborî ve herî zêde li paş maye. Li eyaletê ku ji aliyê perwerde, kar û pêşvebirina aborî ve demeke dirêj bi pirsgirêkên cidî re rû bi rû ye, tim û tim bi krîzên ewlekariyê dikeve rojevê.
Komên alîgirê serxwebûnê yên Belûc nerazîbûnê nîşanî hikûmeta federal didin ku çavkaniyên maden û gazê yên eyaletê talan dike. Kom dibêjin, gelê herêmê nikare bi têrkerî sûdê ji van çavkaniyan werbigire.
