Tengasiyên demdirêj ên di navbera Pakistan û Afganistanê de îro bi awayekî fermî veguherî şer û her du welat ketin qonaxeke şerê cidî.
Wezîrê Parastinê yê Pakistanê Xawaca Mihemed Asif li ser şerê Pakistan û Afganistan daxuyanî da SKY Newsê. Mihemed Asif di daxuyaniyê de hat go ku sebra welatê wî xilas bûye û ew niha bi Afganistanê re di şerê vekirî de ne. Bi heman tundiyê hikûimeta Afganistanê jî daxuyanî da û Pakistanê tewambar kir.
Vê sibê zû, Hêzên Hewayî yên Pakistanê êrîşên hewayî li ser paytexta Kabîlê Afganistanê û herwiha li ser parêzgehên Qendehar û Paktîyayê pêk anîn. Hatin aşkerakirin ku di dema êrîşan de li deverên cuda yên bajêr dengê teqînan hatiye bihîstin, û balafirên şer hatine dîtin ku balafirên Pakistanê di ser bajarên Afganistanê de nizim firiyane.
Şer giran e û windahiyên aliyan zêde ne
Hikûmeta Pakistanê îdia kir ku di êrişên hewayî û bejayî de 133 milîtanên Talîbanê hatine kuştin û zêdetirî 200 kes jî birîndar bûne. Rêveberiya Talîbanê û çavkaniyên Afganistanê îdia kirin ku di êrîşên tolhildanê de 55 leşkerên Pakistanî hatine kuştin û hinek jî hatine girtin.
Çavkaniyên heremî destnîşan dikin ku şer pir giran bûye. Li gor van agahiyan Pakistanê li seranserê sînor û li ser axa Afganistanê êrişên berfireh pêk aniye. Her du alî hev bi destpêkirina êrişa yekem tawanbar dikin. Kabîlê êrişên hewayî yên Pakistanê wek binpêkirina serweriyê bi nav kir. Rayedarên Îslamabadê jî Afganistanê bi piştgiriya çekdaran a li seranserê sînor tawanbar kir.
