Di êrîşên Rûsyayê yên bi fuze, bombardûmana hewayî, drone û topbaranê de herî kêm 9 kes li Ûkraynayê mirin û zêdeyî 25 kes jî birîndar bûn.
Li Ûkraynayê di êrîşên duh bi şev ên Rûsyayê de herî kêm 9 kes mirin. Li gorî rayedarên Ûkraynayê bîlançoya herî giran a êrîşan li bajarê Zaporijjiayê bû.
Hate ragihandin ku di êrîşa bi fuzeyan û bombardûmana hewayî de li Zaporijjiayê 6 kes mirin, 19 kes jî birîndar bûn.
Hate ragihandin ku artêşa Rûsyayê bi drone û topan êrîş biriye ser pênc navçeyên Dinpropetrovksê. Di êrîşan de 3 kes mirin ku hate ragihandin yek ji wan zarokekî 15 salî bû.
Li paytext Kievê jî nîvê şevê dengê teqînan hate bihîstin. Agir bi depoyekê ket û di êrîşan de kesek birîndar bû.
Êrîş piştî wê yekê hate kirin ku Serokdewletê Ûkraynayê Volodimir Zelenski îdia kiribû ku Rûsya amadekariyê dike ku hîn bêhtir leşkerên Koreya Bakur li welatê wan bi cih bike û fuzeyên balîstîk ên nû ji Pyongyangê wergirtiye.
