Li Şirnexê û navçeyên wê di çerçoveya, “Civînên Aştî û Civaka Demokratîk” de banga Rêberê Gelê Kurd Abdullah Ocalan a bi dimên û merasîma PKKê ya şewitandina çekan ku îro li Silemaniyê hat lidarxistin hatin temaşekirin.
Tevgera Jinên Azad (TJA), Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî), “Civînên Aştî û Civaka Demokratîk” li Şirnex û navçeyên wê didomin. Di çerçoveya civînan de navenda Sirnexê, gundê Ernabetê û taxa Sûrê ya navçeya Cizîrê û Qara Xirab a navçeya Hezexê yên Şirnexê civînên gel hatin lidarxistin.
Li taxa Sûrê ya navçeya Cizîrê bi tevlîbûna welatiyên taxê, Dayikên Aştiyê, rêxistinên DBPê, DEM Partî yên Cizîrê û Parlamentera DEM Partî ya Şirnexê Newroz Uysal Aslan civîna gel hat lidarxistin. Di civînê de banga Rêberê Gelê Kurd Abdullah Ocalan a bi dîmên û merasîma PKKê ya şewitandina çekan hatin temaşekirin. Di temaşekirina dîmenan de girse rabû ser pêyan û li çepikan dan û dirûşmeyên, “Bijî Serok Apo” û “PKK gel e gel li vir e” berz kirin. Piştî temaşekirinê welatiyan li ser pêvajoyê pirsên xwe û nêrînên xwe vegotin. Newroz Uysal Aslan jî li ser pirsên gel li ser pêvajoyê nirxandin kir.
Li navenda Şirnexê jî dimen hatin temaşekirin û li ser pêvajoyê nirxandi hatin kirin. Li gundê Ernabetê yê Cizîrê û Qara Xirab a Hezexê jî li ser pêvajoyê nirxandin hatin kirin û welatiyên tevlî civînêibûn jî li ser pêvajoyê pirs pirsîn û nêrînên xwe vegotin.
