Bi pêşengtiya Platforma Şiyar Be li dijî hişbir û fihûşê li taxa Ferîtkoşkê ya navçeya Bajarê Nû ya Amedê meşiyan ûcivîna gel hat lidarxistin. Aktîvîsta TJAyê Ayla Akat di civînê de axivî û diyar kir ku divê pêşî aştiya navxweyî ava bikin.
Platforma Şiyar Be li dijî tiryak û hişbirê rêzeçalakiyên ‘Pêngava Rabin’ da ye destpêk8r8n bênavber didome. Di çarçoveya Pêngava Rabin li taxa Ferîtkoşkê ya navçeya Bajarê Nû ya Amedê meş li dar xist û bi gel re civiya. Aktîvîsta TJAyê Ayla Akat Ata, Hevserokê DEM Partiya Bajarê Nû Vedat Guleç, Hevberdevkê Platforma Şiyar Be Murat Kan, nûnerê saziyên sivîl û nişteciyên taxê tevli civînê bûn.
Ayla Akat Ata di civînê de axivî û diyar kir ku ew li dijî hişbir, fihûşê bi gel re tên cem hev û got : “Ez dizanim ku ne xebateke sivik e, tiştekî zehf zor e. Lê belê îro êdî demekî nû destpê kiriye, em dibêjin aştî tenê bi çekberdanê nabe. Divê em pêşî aştiya navxweyî ava bikin. Ji bo wê jî divê jiyaneke nû, sîstemeke demokratîk û civaka demokratîk bê avakirin.”
