Dengê Amerîka bi Kurdî ku 33 sal in bi keda dehan rojnamegeran bi zaravayên kurmancî û soranî weşan dikir hate girtin. Cîgirê Hevserokên DEM Partiyê Tayîp Temel bertek nîşanî girtina Dengê Amerîka bi Kurdî da.
Dengê Amerîka bi Kurdî sala 1992an dest bi weşana xwe kir û di nasandina doza kurdî li cîhanê de xizmeteke mezin kir.
Rojnamegerê kurd Mutlu Cîvîroglu (Robîn Reşvan) ê ku 16 sal in di Dengê Amerîka bi Kurdî de xebitî li ser rûpela xwe ev tişt parve kir: “Piştî 16 salan karê min ê di Dengê Amerîka de îro bi fermî dawî bû. Îro ji 639 karmendên Dengê Amerîka re hate gotin ku ew ji kar hatine derxistin anku ez êdî bê kar im. Û êdî Dengê Amerîka nemaye…
Xatirxwestin qet ne hêsan e – nemaze ji bo cihekî ku min ewqas sal, enerjî û coş lê veberhênan kiriye. Di tevahiya dema xwe ya li VOA de, min li eniyên pêşîn ên rojnamegeriyê xebitî, mijarên tevlihev ên cîhanî – bi taybetî pirsa Kurd – vegot û dengên civakên ku pir caran nayên bihîstin bilind kir. Ew mîsyonek dijwar lê pir watedar û kesane bû.
Dema ku ev beş diqede, ez bi hêvî me û li ser tiştê ku paşê tê disekinim. Ez niha derfetên nû di rojnamegerî, şêwirmendiya medyayê, analîz, dîplomasiya giştî, têkiliyên giştî û ragihandina stratejîk de vedikolim – warên ku ez dikarim deng, têgihîştin û tora xwe bikar bînim da ku bandorek rastîn çêbikim.
Em jî bi navê stafa xelatê a kurmancî dilgiraniya xwe ji daxistina Dengê Amerîka tînin ziman û di heman demê de cansaxiyê û serkeftinê ji hevkarên xwe yên rojnamevanên Dengê Amerîka a Kurdî re dixwazin.”
Cîgirê Hevserokên DEM Partiyê Tayîp Temel jî li ser hesabê xwe yê Xê ev tişt parve kir: “Piştî 33 salan Televizyon û Radyoya Dengê Amerîka ku bi Kurdî weşan dikir bi temamî weşana xwe rawestand. Ev biryar xeletiyek mezin a Rêveberiya Washintonê ye.”
