Selahattîn Demîrtaş û Selçuk Mizrakli piştî hevdîtinatina bi wan re îro hatiye kirin bi rêya parêzerên xwe ve peyamek şandin û wiha gotin: “Daxwaza me ya herî mezin rawestina şer û kuştinan e. Ji bo siyaseta demokratîk çi ji destê me were em ê bikin.”
DEM Partî, CHP, EHP, EMEP, TÎP, TOP û pêkhateyên DEM Partiyê bi armanca hevdîtinê bi Hevserokê Giştî yê HDPê yê berê Selehattîn Demîrtaş û Hevşaredarê Bajarê Mezin ê Amedê ya berê li li şûna wî qeyim hatiye tayînkirin Selçuk Mizrakli pêk bînin çûn Girtîgeha Edîrneyê. Li ser navê şandeyê parêzer bi Selahattîn Demîrtaş û Selçûk Mizrakli re hevdîtin pêk anîn. Piştî hevdîtinê şande li pêşiya girtîgehê daxuyanî da. Hevserokê DEM Partiyê ya Giştî Tuncer Bakirhan, Serokên giştî yên partiyên siyasî, parêzerên Demîrtaş, rêxistina DEM Partiyê ya Edîrneyê û gelek welatî tevlî daxuyaniyê bûn.
Di daxuyaniya hatiye dayîn de peyama Selehattîn Demîrtaş û Selçûk Mizrakli bi rêya parêzeran ve şandiye hate xwendin. Peyamê Cîgira Hevserokên Giştî ya DEM Partiyê Ozlem Gunduz xwend.
‘Bi derxistina zagonan dê rewestandina şer mayînde bibe’
Selahattîn Demîrtaş û Selçûk Mizraklı di peyama xwe de tevahî gel û dostan silav kirin û wiha gotin: “Em gelek baş û bimoral in. Geşedanan ji nêz ve dişopînin. Divê herkes bizanê ku em ji bo derketina derve rojan najmêrin. Xistina me ya girtîgehê çiqas polîtîk be dê derketina me jî wisa be. Hessasiyeta me ya herî mezin rawestina şer û rewestandina kuştinan bû. Me niha ev yek pêk aniye. Em hêvî dikin ku bi derxistina zagonan ev rewş mayînde bibe. Lê belê têkoşîna demokrasi dê piştî ve geş bibe û pêş bikevê. Em li ku bibin jî bo bihêzkirina siyaset demokratik çi ji destê me were em ê bikin. Guherînên mezin li pêşiya Tirkiyeyê ne. Ji bo ev guherin li gorî gelê me û kedkaran pêk were, pêdivî bi yekitiyên xurt ên têkoşînê heye. Îro hevhatina ya li vê derê jî nişan dide ku dê ev têkoşîn di her şert û mercan de mezin bibe. Ji ber vê yekê jî me yek bi yek spasiyên xwe li partiyên siyasî dikin, silav û heskirinên xwe yên ji dil dişînin. Bi hêviya em siberojên azad de hev bibinîn.”
