Komîteya Koçberên Serêkaniyê ragihand ku koma sêyemîn a koçberan ku zêdetirîn 500 malbatî pêk tê dê roja yekşema bê vegerin gundên xwe.
Li gorî agahiyên ku endama Komîteya Koçberên Serêkaniyê Zehra Semio dane Ajansa ANHAyê koma sêyemîn a koçberên ji gundewarên Serêkaniyê dê roja yekşema bê vegerin warê xwe.
Zehra Semio diyar kir ku koma sêyemîn ku ji zêdetirî 500 malbatan pêk tê û li dibistan û navenda Hesekê bicihbûnê dê vegerin herêmên xwe yên navbera bajarokê Menacîrê heya Til Helefê yê rojavayê bajêr. Zehra Semio da zanîn ku dibe hejmar were guhertin.
Hêjayê gotinê ye koma duyemîn a koçberan ku nêzîkî 700 malbatan pêk dihat û li kampa Serêkaniyê diman 8ê Îlonê vegeriyan warê xwe yên li nêzîk 55 gundên Serêkaniyê, Zirgan û Til Temirê.
