Xebatên ji bo vegera koçberên Serêkaniyê ji bo herêmên wan dewam dikin, îro karwanê 7emîn ber bi Serêkaniyê ve bi rê ket.
Karwanê heftemîn ê koçberên Serêkaniyê yên ku li navendên koçberan li bajarê Hesekê dimînin, berê xwe dane 75 gundên xwe yên li gundewarên Serêkaniyê, Zirgan û Til Temirê.
370 malbat îro vedigerin
Derbarê vegera koçberan de daxuyaniyek çapemeniyê hate lidarxistin. Di daxuyaniyê de Endamê Parlamantoya Sûriyeyê Yasir Mensûr wiha got: “Em hêvî dikin ku bi awayeke bi ewle koçber bihêjin warê xwe, em wekî parlamanter ji bo çavdêriya vegerê hatine vir.” Yasir Mensûr diyar kir ku karwanê heftemîn ji 370 malbatan pêk tê, karwanê heştemîn jî wê sibe bi rê bikeve, hêvî kir ku bi awayeke bi lez karwan bên birêxistinkirin û hemû koçber vegerin warên xwe.
‘Wê 847 malbat îro û sibê vegerin warên xwe’
Cîgirê Fermandarê Hêzên Ewlekariya Hundirîn ê Kar û Barê Ewlehiyê li Parêzgeha Hesekê Mehmûd Xelîl jî da zanîn ku dê îro û sibê 847 malbatên koçber vegerin malên xwe yên li gundewarê Serêkaniyê, Zirgan û Til Temirê. Mehmûd Xelîl destnîşan kir ku di hefteya bê de wê karwanê 9emîn bi rê bikeve, ji bo şandina hezar malbatan xebat tên kirin, beriya hatina zivistanê xebatên vegera hemû koçberan tên kirin.
