Enqere – Civîna MYKê ya DEM Partiyê di Seroktiya Hevserokên Giştî yên DEM Partiyê Tulay Hatîmogullari û Tuncer Bakirhan de li navenda giştî ya partiyê dest pê kir. Di nav rojevên MYKa de geşedanên têkildarî xebatên komîsyonê û çûna li Grava Îmraliyê hene.
Lijneya Rêveber a Navendî (MYK) ya DEM Partiyê bi tevlibûna Hevserokên Giştî Tulay Hatîmogullari û Tuncer Bakirhan, li navenda partiyê dest bi civîna xwe kir. MYKa dê di vê civînê de mijara “1ê Îlonê Roja Aştiyê ya Cîhanê û vir ve di çarçoveya kampanyaya “Em Aştiyê Dixwazin Çimkî” de dê nîqaş bike û dê plansaziya dawiya meha Îlonê were kirin.
Mijarên ku dê werin nîqaşkirin ev in:
*Di Pêvajoya Aştî û Civaka Demokratîk de qonaxa xebatên ku hatine kirin û aliyên ku kêm dimînin dê bên nîqaş kirin, xebatên ku DEM Partiyê dikare bike dê bê plankirin.
*Tê texmînkirin ku li ser serdana Hevserokên Giştî yên DEM Partiyê û Heyeta Îmraliyê dê têkildarî Rêberê Gelê Kurd Abdullah Ocalan nîqaşek bê kirin.
*Tê payîn ku dê di MYKê de nîqaşek li ser temamkirina guhdarîkirinên di Komîsyona Meclîsê de û li ser esasên rêziknameyên qanûnî, amadehî werin kirin. Dê pêşniyarên MYKê bên nirxandin.
*Li dijî polîtîkayên eko-qirkirinê, xebatên ku divê bên kirin dê bên nirxandin.
*Xebatên ku dê di Meclîsa ku di 1ê Cotmehê de vedibe dê di nav rojeva MYKê de be.
