Serokdewletê DYAyê Donald Trump ku banga berdewamkirina serhildanê li gelên Îranê kir û gotina, “alîkarî li ser rê ye” bala herkese vegeriya ser dema destwerdanek li dijî rejîmê. Piştî daxuyanya Trump bangên destwerdanê û zextên welatên cuda li ser rejîmê zêde bûn.
Serhildana gelên Îranê ku di roja 17an de berdewam dike, rojeva bingehîn a cîhanê ye. Di nave rojê Serokdewletê DYAyê Donald Trump bi daxuyaniyek li ser hesaba xwe ya Xê weşand banga domandina serhildanê li gelê Îranê kir û bi gotina, “Dest danên ser saziyên xwe, navê kujeran qeyd bikin ji ber ku dê hesabê bidin. Alîkarî li ser rê ye” peyama destwerdanê kir. Piştî peyama Trump ji gelek dewletan li ser hev daxuyaniyên rejîma Îranê şermar dikin, li dûhev hatin dayîn.
Trump: Kes hejmara kuştiyan nizane lê gelek in
Trump piştî peyama li ser Xê daxuyaniyek çapemeniyê û diyar kir ku derbarê hejmara di komkujiyên rejîmê de jiyana xwe ji destane nizane û wiha got: “Gelek reqem ji min re hatin. Lê tenê nekes be jî zêde ye. Hejmara miriyan pir e. Heta 24 seatan emê hîn bibin.”
‘Hûn fam bikin’
Li ser pirsa rojnamegerekê ya wekî, “We di peyama xwe ya li ser Xê de got ku ‘alîkarî li ser rê ye’. Ev tê çi wateyê” Trump bersiva, “Biborînin lê ez bersiva vê nadim. Divê hûn fam bikin” da.
Nûnerê Trump bi mûhalîfên rejîmê re hate cem hev
Li aliyê din Axsîosê diyar kir ku li gorî agahiyên ji rayedarên Amerîkî girtine Nûnerê Taybet ê DYAyê yê Rojhilata Navîn Steve Wîtkoff ji bo rewşa serhildana gelan nîqaş bike bi mixalifên rejîma Îranê re hatiye cem hev. Senatorê
‘Alîkarî li ser rê ye tê wateya destwerdana leşkerî’
Koparperest Lindsey Graham jî peyama Trump bi bîr xist û wiha got: “Peyama Trump a ‘alîkarî li ser rê ye” tê wateya ku Serok Trump dê bersivek lelşkerî, sîber û psîkolojîk bi hev re bimeşîne.” Graham bang li Trump kir ku dereng nemine.
CBS News: Lijneya Ewlehiyê civîn pêk anî
Di vê navberê de li gorî nûçeya CBS Newsê Cîgirê Trump JD Vance civînek ligel Lijneya Ewlehiya Neteweyî re pêk anî. Di nûçeyê de hate daxuyandin ku civîn di roja 13ê Çile de pêk hatiye û pêşniyar ji Trump re hatine kirin.
‘Rejîm çiqas zû bikeve ew qas baş e’
Di demek nîqaşên rêveberiya Trump dimeşin de senatorên Partiya Komarperest û Partiya Demokrat jî banga destwerdanê kirin. Senator Tom Barret li ser hesaba xwe ya Xê peyama, “Rejîma molla çiqas zû bê tunekirin ew qas baş e” weşand. Gelek senatorên din jî peyamên bi heman naverokê weşandin.
Ji Ewropayê amadekariyên pêdankirinan
Serokê Parlementoya Ewropayê Roberta Metsola banga zêdekirina pêdankirinan li ser Îranê kiribû. Wezîrê Karên Derve yê Îngilîstanê Yveette Cooper jî diyar kir ku dê pêdankirinan danên ser Îranê û ji bo zêdetir bergiriyan jî bi Yekîtiya Ewropayê re biaxivin. Wezîrê Karên Derve yê Fransayê Jean Noel Barrot jî rejîm şermezar kirin û komkujî wekî, “helwesta derveyî mirovahiyê” bi nav kir.
Daxuyaniyên şermezar kirin zêde dibin
Fransa, Almanya, Îspanya, Portekîz, Belçîqa, Fînandiya, Hollanda, Çeka, Îtalya û gelek welatên din di nava rojê de bangî sefîrên Îranê kirin û ji ber komkujiyan şermezar kirin.
Îranê hejmara 12 hezar kuştiyan qebûl kir
Mijara kuştiyên ji hêla rejîmê ve jî cihê xwe di rojevê de girt. Ligel reqemên cuda jî li gorî belgeyek îstîxbarata Îranê derkete holê ku ji 8ê çile ve 12 hezar kes hatine qetilkirin. Ev bûyer wekî mijarek matmayînê li cîhanê deng vede.
Îranî dê roj duşemê li tevahiya cîhanê dakevin kolanan
Ev 5 roje înternet hatiye birin
Saziya şopandina torên internete Cloudflare Radarê 5 roje li Îranê bi tevahî înternet hatiye birîn. Ji birîna înternetê heta niha hejmara kuştiyan jî derketiyeasta herî jor.
Starlînk înterneta herwe dide
Koma Gelan a Dijîtal Fîlterbanê daxuyand ku aboneya xwe ya Starlînkê li Îranê bedewa kiriye. Komê ragihand ku di encama hewldanên çend rojan ên bi rayedarên Starlînk û DYAyê re karîne înternetê herwe bikin.
Gel kolanan terk nake
Di demek çavê cîhanê li Îranê ye, xwepêşandanên gel jî berdewam dikin. Li gorî kêm dîmenên tên parvekirin û agahiyên çavkaniyên herêmî îşev jî li dehan bajarên Îranê bi sed hezaran kes daketin kolanan û îstîfaya rejîmê xwestin. Hate ragihandin ku zordariya Îranê ya li dijî xwepêşandanan jî bi heman tundiyê berdewam dike.
