Birayê Denîz Poyraz, Suleyman Poyraz ê ku 14 sal in di girtîgehê de tê grtin, îro hate berdan.
Birayê Denîz Poyraz a ku di êrîşa 17ê Hezîrana 2021an a li dijî avahiya HDP’a Îzmîrê de hatibû qetilkirin, Suleyman Poyraz piştî 14 salên girtîgehê îro hate berdan. Suleyman Poyraz, di Gulana sala 2011an de hatibû binçavkirin û 10’emîn Dadgeha Cezayên Giran a Îzmîrê bi îdiaya “endamtiya rêxistinê” 15 sal cezayê hefsê lê birîbû.
Poyraz ku li Girtîgeha Tîpa T a Şakranê dihat ragirtin, tehliye bû. Poyraz, ji hêla rêveberên EGE-TUHAYDER û DEM Partiyê ve hate pêşwazîkirin.
Poyraz û kesên pê re, çûn serdana gora Denîz Poyraz a li Kaynaklar a Bucaya Îzmîrê. Poyraz li vir axivî û got ku ji ber hevalên xwe yên girtî xemgîn e. Poyraz, got: “Hêvîdarim di serî de Rêbertî (Abdullah Ocalan), hemû hevalên girtî bên berdan.”
