Bîranîna Gerîlayên Tevgera Azadiya Kurd ên Sêrtê ku di dîrok û li cihên cuda şehîd ketine di roja dawî de bi nîşandana sînevîzyonê bi dawî bû.
Bîranîna Gerîlayên Tevgera Azadiya Kurd ên ku di dîrok û li cihên cuda şehîd ketine di roja sêyemînde li Eywana Dawetê ya Ûgêrê ya Sêrtê bi nîşandana sînevîzyonê bi dawî bû. Di bîranînê de malbatên şehîdan, rêveberên partiyên siyasî yên navend, navçeyan û yên bajarên derdorên, gelek endamên saziyên sivîl ên civakî û gelek welatiyên bajêr tevlibûn. Li eywanê posterên mezin ên Rêberê Gelê Kurd Abdullah Ocalan û wêneyên şehîdan bi rengên Kesk û Sor û Zer hatibûn xemilandin. Her wiha li eywanê gelek pankartên “Em şehîdan nasipêrin axê, disipêrin dilê xwe”, “Têkoşîna wan rêya me ronî dike”, “Em deyndarê şehîdên xwe ne, şehîdên me rûmeta me ne”, “Şehîdên me pêşeroja me ne”, “Xelayên cangoriya bi rêxistinbûyîn û xwedî derketinê pêkan e” û “Şehîd ronahiya rêya me ne” hatibûn daliqandin.
‘Îro gelê Kurdistanê di nav êşê de ye’
Parlamentera DEM Partiyê ya Sêrtê Sabahata Erdogan Saritaş ku di bîranînê de amade bû û pêşî sersaxiyê ji malbatên gerîlayên ku şehîd ketine û wiha axivî: “Em sersaxî ji malbatên xwe re, ji Rêber Apo û ji rêhevalên wî re dixwazin. Îro gelê Kurdistanê di nav êşê de ye. Îro Kurdistan şehîd û qehremanên xwe pêşwazî dike û xwedî li rûmeta xwe derdikeve. Beriya 100 salî dema ku qedera Kurdan ji aliyê hêzên neteweyî ve hat paşguhkirin û Kurdistan parçe kirin, polîtîkaya tüne hesibandinê hat meşandin. Ji bo vê yekê gelê Kurd her dem serî hilda û herî bedelên mezin hatin dayîn.”
Bîranîn şehîdên Sêrtê di roja sêyemîn de bi nîşandana sînevîzyonê bi dawî bû.
