Nûnerên saziyên civakî û gel di 37emîn salvegera Komkujiya Helebceyê de ku rejîma Saddam bi çekên kîmyewî li dijî Kurdan pêk anî, meşeke girseyî li dar xistin. Gelek saziyan jî daxuyanî dan û komkujî şermezar kirin.
Di 16ê Adara 1988an de rejîma Baasê weke parçeyek ji êrîşên komkujiya Kurdan bi gazên kîmyewî bombe li Helebceyê barandibû. Di encama êrişa hovane de zarok, jin kal û ciwan nav de zêdetirî 5 hezar kes hatin kuştin. Bi hezaran kes birîndar bûn û winda bûn. Bandora êrîşa kîmyewî îro jî dewam dike. Di serî de Helebce li çar aliyên Kurdistanê û cîhanê çalakiyên bîranînê têne lidarxistin. Merasîma bîranînê ya li Helebceyê bi meşekê destpê kir.
Li Helebceyê, li ber derê Baxê Giştî ya Helebceyê merasîma bîranînê bi meşek destpêkir û wê meş heya ber derê bîrdariya Helebceyê bidome. Merasîmên îsal wê sê rojan bidome. Di çarçoveya çalakiyên bîranînê de wê peyamên siyasî bêne dayin, çalakiyên hunerî, panel û semîner bêne lidarxistin.
Bakur û Rojhilatê Sûrî
Pêkhateyên herêmên Bakur û Rojhilatê Sûriyê ji bo bîranîna cangoriyên komkujiya Helebceyê bi hev re 5 deqîqeyan rêz girtin. Sibeha roja Înê 16ê Adara 1988an, rejîma berê ya Iraqê bi çekên kîmyeyî bajarê Helebceyê bombebaran kir. Di encamê de jin û zarok jî di nav de nêzîkî 5 hezar kes hatin qetilkirin û nêzî 10 hezar kes jî birîndar bûn. Ji bo bîranîna qurbaniyên komkujiya Helebceyê tevahî pêkhateyên herêma Bakur û Rojhilatê Sûriyeyê dikanên xwe girtin, li qadên giştî 5 deqeyan rêz girtin.
KNK
Konseya Rêveberiya Kongreya Nîştîmaniya Kurdistanê (KNK) bi boneya 37emîn salvegera Kîmyabarana Helebceyê daxuyaniyekê nivîskî belav kir. KNKê hemû şehîdên Kîmyabarana Helebceyê birêzdarî bibîranî û got: “Erkê hikûmeta Herêma Kurdistanê, nûner û rayedarên Kurd yên li Bexdayê ye ku li gorî xala 132 ya destûra Iraqê ji bo wek jenosîd naskirina sûcê kîmyabarana Helebceyê û qerebûkirina gelê xwe bixebitin.”
KCK
Hevserokatiya Konseya Rêveber a KCKê şehîdên komkujiya Helebceyê bi bîr anî û got: “Komkujiya Helebceyê di dîroka mirovahiyê de yek ji komkujiyên herî giran û hovane bû. Em vê komkujiya ku ji aliyê rejîma Saddam a zalim ve hate kirin careke din bi tundî şermezar dikin. Ji bo dawî li dîroka komkujiyê bê anîn, ji bo Kurdistan, Rojhilata Navîn û cîhaneke ji jiyana wekhev û azad a gelan bê avakirin, divê banga dîrokî ya Rêber Apo bi cih bê anîn. Têkoşîna li ser vê bingehê jî wezîfe û berpirsyariyeke dîrokî ye.”
DBP
