Danê sibehê bi sê droneyan êrişî bajarê Hewlêrê hate kirin lê êrîş bi sîstema parastina hewayî hate têkbirin.
Li gorî dîmen û agahiyên ji herêmên hatine belavkirin vê sibehê dengê çend droneyan li asîmanê Ranya hatiye bihîstîn ku ji aliyê Îranê ve ber bi Hewlêrê hatiye arastekirin. Piştî saetekê dengê teqînên bihêz li Hewlêrê tê bihîstin. Li gorî agahiyên ji herêmê sê drone ji aliyê sîstema parastina hewayî ya Hevpeymaniyê ve hatine xistin. Drone li nav projeyek niştecihbûnê ketine xwarê lê tu ziyanên canî û madî çênebûne.
Hêjayî gotinê ye ku duh rejîma Îranê bi 4 droneyan êrîşî sînorê parêzgeha Hewlêrê kiribû. Beriya du rojan jî êrîşî ser baregeha Hizba Komeleya Zehmetkêşên Kurdistanê ya li Dola Alan hate kirin û di encamê de 3 pêşmerge birîndar bûn.
Li gorî bîlançoyan ji destpêka şerê Îran û Amerîka-Îsraîlê ango ji meha Sibatê heta niha, nêzîkî hezar êrîşên mûşek û droneyan li ser Başûrê Kurdistanê hatine pêkanîn û di encamê de zêdetirî 150 kes jiyana xwe ji dest dane û birîndar bûne.
