Hikûmeta Afganistanê bi daxuyaniyeke ragihand ku Pakistanê navendeke li Kabîlê ya sivîl lê diman bombebaran kiriye û di encamê de 400 kesan jiyana xwe ji dest dane.
Şerê di navbera Pakistan û Afganistanê de bi êrişên nû berdewam dike. Şevê din li payteşt Qabîlê teqînek mezin pêk hat. Berdevkê Hikûmeta Afganistanê Zebîhullah Mucahîd ragihand ku balafirên şer ên Pakistanê beşek ji baskê tenduristiyê yê navendeke rehabîlîtasyonê ya madeyên hişber ya li paytext Kabulê bombebaran kir û di encamê de 400 sivîl kuştin. Mucahîd her wiha destnîşan kir ku 250 kes jî birîndar bûne. Mucahîd êrişa Pakistanê bi tundî şermezar kir û wiha got: “Ev êriş sûcê şer e û kiryareke namerd e.” Berpirsê Hêzên Ewlehiyê Umut Stanîkzaî jî aşkere kir ku piştî bihîstina dengê balafirên şer dengeke teqînê ya mezin hate bihîstin û li dû teqîna mezin jî şewat derket.
Pakistan: Me li baregehek şer da
Pakistanê êrişa bi balefiran qebûl kir lê di heman daxuyaniyê de îdia kir ku balafirên wan ên şer ne li qadek sivîlan lê li baregeheke leşkerî dane.
Şerê Pakistan û Afganistanê ji 26ê Sibata 2026an ve didome. Li gorî hejmarên Neteweyên Yekbûyî di vî şerî de 75 sivîl hatine kuştin û 115 hezar kes jî ji cih û warên xwe hatine koçkirin.
