Amed – Kadrî Şitiliay diyar kir ku kurê wî Serdar Şitilay ev 32 sal û 7 meh in di girtîgehê de ye û got: “30 sal ceza li kurê min hatibû birîn. Piştî ku 30 salên wî temam bûn jî wî bernedan. Heta niha lîjneya girtîgehê şeş caran berdana kurê min taloq kir.”
Li girtîghên Tirkiye û bakurê Kurdistanê binpêkirinên mafan berdewam dikin. Bi sedan girtiyên nexweş hene û tevî serlêdanan û li gel rewşa wan dijwar e jî nayên berdan. Gelek girtî hene tevî ku cezayên xwe yên 30 salî temam kirine jî ji ber biryarên Lîjneyên Çavdêriyê û Îdareyan ên girtîgehan nayên berdan. Cezayên girtiyan tên taloqkirin û înfaza wan tê dirêjkirin. Hin girtî berdana wan salek, du sal û sê sal in hatine dirêjkirin. Yek ji van girtiyan jî Serdar Şitiliay e ku 2 sal û 7 meh in cezayê wî taloqkirin û nayê berdan. Cara şeşemîn e ku berdana Şitilay tê taloqkirin û ew li Girtîgeha Tîpa F a Ewlehiya Bilind a Xarpêtê tê ragirtin.
‘Neberdana kurê min heqaret e’
Bavê girtî Serdar Şitilay, Kadrî Şitiliay diyar kir ku kurê wî Serdar Şitilay 32 sal û 7 meh in di girtîgehê de ye û got: “30 sal ceza li kurê min hatibû birîn. Piştî ku 30 salên wî temam bûn jî wî bernedan. Heta niha lîjneya girtîgehê şeş caran berdana kurê min taloq kir. Lijne li kurê min dipirse ka tu poşmanî yan na. Ew jî dibêje ez ne poşman im, heke ez poşman bûma ez ê 30 sal bere poşman bûma min ê ev ceza nexwara. Lîjneya zindanê xwe dije şûna hakim û dozgeran. Ev heqaret e ji me re. Em dixwazin demek berî demekê kurê min berdin.”
‘Heke ji dil bin divê girtiyên nexweş berdin’
Kadrî Şitilay bal kişand ser helwesta testhilatê û da zanîn ku pêvajoya Aştî û Civaka Demokratîk bi awayekî dirust bihata meşandin gere heta niha girtiyên nexwaş berdabûna û got: “Girtiyên nexweş, girtiyên ku cezayê xwe temam kirine pêwîst e werin berdan. Roj bi roj girtin çêdibin, girtiyên nexweş nayên berdan, ji ber wê bawerya min bi vê pêvajoyê nîn e. Heke ew ji dil buna gere ew girtî hatibana berdan. Zagonên xwe bi cîh naynin. Ev kirinên wan bîr û baverîya me dişkêne. Daxwaza me ew e ku kurê min berdin. Ev şeh care her carê iei mehan berdana kurê min taloq dikin. Ew ne li gor hiqûq û edaletê bi kêfî nêzik dibin. Cezayê kurê min temam bûye, sedem çi ye ku nayê berdan. Bila qanûnên xwe yên heyî pêk bînin, tenê qanûnên xwe jî pêk bînin zarokên me di hundir de namînin. Heke heq û hiqûq hebe divê kurê min bê berdan.”
‘Em êdî deyax nakin’
Xwîşka Serdar Şitilay, Sîdar Şitilayê jî got: “Em dixwazin êdî Serdar berdin, em êdî deyax nakin, piştî dayika me jî mir êdî em qet nikarin deyax bikin. Ez aştiyê dixwazim, berdan birê xwe dixwazim.”
