Komeleya Alîkarî û Piştgiriyê ya Alimên Olî ya Stenbolê li dijî êrişên ser Rojava daxuyanî dan û wiha gotin: “Li dijî zilmê bêdeng namînin. Bêdengî, zilmê mayînde dike û neheqiyê jî mezintir dike.”
Li dijî êrişên çeteyên girêdayî HTŞ û SMO û Tirkiyeyê her ku diçe nerazîbûn zêde dibin. Komelaya Alîkarî û Piştgiriyê ya Alimên Olî ya Stanbolê jî li dijî êrişên li ser Rojava li pêşiya avahiya komeleyê taxa Şîrînevler a navçeya Bahçelîevler ya Stenbolê daxuyanî da. Daxuyaniyê endamê komeleyê Bedrettîn Gunay xwend.
‘Zilm heysiyeta mirovahiyê hedef digire’
Bedrettîn Gunay di daxuyaniyê de anî ziman ku ew îro ji bo sekna xwe ya li dijî zilmê diyar bikin li kom bûne û wiha axivî: “Zilm çi ziman, çi ol, çi nasname û çi erdnîgarî dibe bila bibe, heysiyeta mirovahiyê dike hedef digire, mafê mirovan binpê dike. Ev rewş, vîjdana civakê bi awayekî giran birîndar dike û baweriya mafê mirov ên bawrerî jî dişkîne. Îslam, bilindkirina adaletê û sekna li dijî zilmê ferman dike. Di Qurana Pîroz de ‘Bi adaletê tevger bikin. Ev herî nêzê teqwayê ye’ tê gotin.”
‘Bêdengî, zilmê mayînde dike’
Bedrettîn Gunay di dawiya axaftina xwe de bilêv kir ku îro şerê li bakurê Sûriyê diqewimê dîmenekê giran derdixê holê. Gelên sivîl yên li heremê ji warên xwe tên derxistin, jiyana wan di xetereyê de ye û mafê wan ên bingehîn tên binpêkirin. Em daxwaza rêzgirtina rûmeta mirovahî, parastina mafê jiyanê û avakirina aştiyekê mayînde dikin. Ev ne tenê pirsgirêka herêmekê ye, pirsgirêka tevahî mirovahiyê ye. Bêdengî, zilmê mayînde dike û neheqiyê jî mezintir dike. Rawestandina zilmê erka tevahî mirovahiyê ye.”
Daxuyanî bi çepikan bi dawî bû.
