Baroya Amedê êrişa li dijî endamê xwe Yasîn Îçlî protesto kir û got ku ev êriş li dijî tevahiya mafên mirovan e.
Duh bi şev li dijî endamê Baroya Amedê parêzer Yasîn Îçlî êriş pêk hat. Hat zanîn ku kesên êriş pêk anîne yek ji aliyê dozeka ku Yasîn Îçlî parêzeriya wê dikir ve pêk hatiye. Yasîn Îçlî di êrişê de birîndar bû. Baroya Amedê Edliyeya Amedê êrişê protesto kir û nerazîbûn nîşanî êrişê da. Serokê Baroya Amedê Abdulkadîr Guleç, serokên baroyên Mêrdîn û Rihayê û gelek parêzer tev li daxuyaniyê bûn. Abdulkadîr Guleç daxuyanî da û êrişê şermezar kir û destnîşan kir ku ew vê êrişê qebûl nakin. Guleç da zanîn ku ev êriş li dijî parastin û pîşeya parêzeriyê pêk hatiye û ew vê êrişî li dijî tevahiya mafên mirovan dibînin.
Serokê Baroya Merdînê Ahmet Duyan jî axivî û êriş şermezar kir.
