Trump ji Efganîstanê xwest ku Baregeha Asmanî ya Bagramê radestî Amerîkayê bike û wiha gef lê xwar: “Heger nekin, dê tiştên xirab biqewimin.”
Serokê Amerîkayê Donald Trump duh li ser platforma xwe ya Truth Socialê derbarê baregeha Bagmar ya li Efganistanê peyamek parve kir. Trump xwest ew baregeh carek din bibe ya Amerîkayê û got; “Heger Efganistan baregeha Asmanî ya Bagramê nede Amerîkayê, dê tiştên xirab biqewimin.”
Trump beriya çend rojan di serdana xwe ya ji bo Ingilîstanê de qala heman baregehê kiribû û gotibû; “Em hewl didin wê baregehê vegerînin û dibe ku ev nûçeyeke bilez be.”
Baregeha Bagmarê
Baregeha Bagramê, baregeha herî mezin a asmanî ya Amerîkayê ya li Efganistanê bû û di şerê piştî êrişên 11’ê Îlona 2001’ê de roleke sereke lîst. Hêzên Amerîkayê û NATO’yê di Tîrmeha 2021’an de bi awayekî ne birêkûpêk ji Bagramê vekişiyabûn û piştî demeke kurt baregeh ketibû bi kontrola Talîbanê.
