Li gorî daxuyaniya Rêxistina Enerjiya Atomî ya Rejîma Îslamî ya Îranê, hêzên hewayî yên Amerîka û Îsraîlê êrîşeke din birin ser tesîsa nukleerî ya Natanz ya Îranê.
Ajansa nûçeyan ya Îranê Tasnim diyar kir ku Rêxistina Enerjiya Atomî ya Rejîma Îranê derbarê êrişa Amerîka û Îsraîlê ya li dijî pergala dewlemendkirina uranyumê ya li Natansê daxuyanî da. Di daxuyaniyê de aşkera kir ku DYA û Îsraîlê careke din êrişî pergala dewlemendkirina Uranyumê ya Natanzê kirin.
Di daxuyaniyê de hat aşkerakirin ku piştî êrişê rijandineke radyoaktîf çênebûye û niştecihên ku li nêzî herêmê dijîn ne di bin xeterê de ne. Tesîsa Natanzê yek ji hedefên sereke yên şerê 12-rojî yê di navbera Îsraîl û Îranê de di meha Hezîranê de bû ku hêzên hewayî yên Îsraîl û Amerîkayê êriş biribûn serê.
Artêşa Îsraîlê bi daxuyaniyekî aşkera kir ku hêzên wan yên hewayî îro êrişên krîtîk pêk anîne. Ev daxuyaniya Îranê jî piştî vê daxuyaniya Artêşa Îsraîlê hat dayîn. Amerîkayê bi bombeyên ‘bunker-busting’ êrîşî tesîsa dewlemendkirina Natanzê kir. Wezîrê Karên Derve yê Îsraîlê Gideon Saar got ku êrîşên li ser Îranê dê vê hefteyê tundtir pêk bên.
