Komên alîgirên Amedsporê diyar kirin ku ew bi navê ‘Meclisa Alîgirên Amedsporê’ re hatine gel hev û dê di maçan de li pişt qaleya başûrê kom bibin.
Ev nêzî duh meh bû komên alîgirên Amedsporê ji bo hevhatina giştî di nava xebatan de bûn. Xebat encam da û tevahî komên alîgirên Amedsporê bi navê “Meclisa Alîgirên Amedsporê” re hatine gel hev. Tevahî komên alîgirên dê di di maçan de li pişt qaleya başûrê kom bibin û trîbûnê bikin.
Amedsporê koman pîroz kir
Amedsporê jî li ser hesabên xwe yên medyaya dîjîtal daxuyaniyek da û hevhatine alîgiran pîroz kir.
Daxuyaniya Amedsporê wiha ye:
“Ev du meh bû bi encamên xebat û istîşareyên giran alîgirên me bi banê ‘Meclisa Alîgirên Amedsporê’ hatine gel hev. Em hevhatinê û li gorî menfaatê kluba me çêkirina yek trîbûnê bi keyfxweşî pêşwazî dikin. Li gorî biryara alîgirên me li pişt qaleya bakur fikarên ewlehiyê dê derkevê holê, ji bo wê jî dê li pişt qaleya başûr dê trîbun werê çêkirin. Em wekî Amedspor ev gava bi wate ku rihê yekîtî, hevhatin û piştgiriya hêztir bike erênî dibînin û ev gav dê têkarî bikê çand trîbunê jî. Alîgirên me ku keda wan di nava vê gavê de heye pîroz dikin.”
