Îran wek Alîkarê Komîteya Taybet ya Bihêzkirina Bişert û Rêxistinkirinê ya Neteweyên Yekbûyî (NY) hat hilbijartin. Amerîka û Îsraîlê bertekên tund nîşanî encamên vê hilbijartinê dan.
Komîteya Taybet ya Bihêzkirina Bişert û Rêxistinkirinê ya Neteweyên Yekbûyî bi armanca parastin û xurtkirina aştî û ewlehiya navneteweyî, xurtkirina têkiliyên navneteweyî û teşfîkkirina hiquqa navneteweyî hatiye avakirin û ji sala 1981an ber bi îro ve ji hêla serokekê û bi sê alîkarên ve tê birêvebirin. Endamên Komîteyê, ji hêla welatên endamtiya NYyê dikin ve tên hilbijêrtin. Hilbijartin 18ê Sibata 2026an de pêk hat. Di hilbijartinê de Venezuela wek serok, Koma Dewletên Asya-Pasifik û Îran jî wek cigir hatin hilbijartin. Ji bo alîkariya peywirê ji Îranê Yahya Aref hat peywirdarkirin.
Ji bo Komîteya Bihêzkirina Bişert û Rêxistinkirinê ya Neteweyên Yekbûyî Îran wek alîkar hat hilbijartin. Nûnerê Îsraîlê Noam Cappon bertek nîşanî vê biryarê da û got: “Çewa dibe di dinyayê de dewleta ku herî zêde ji berfirekirina terorîzmê re sponsoriyê dike, ji bo vê peywirê tê bijartin? Ev helwesteke siyasî ye û naye qebûlkirin.”
Sefîrê Îsraîlê yê NYê Danny Danon jî di ser hesabê xwe yê Xê de ji bo vê erkê hilbijartina Îranê şermezar kir û diyar kir ku zagonên esasî yên NYyê bi vê hilbijartinê hatine binpêkirin. Nûnerê Amerîkayê Dorothy Patton jî bijartina nûnerên Îranê û Venezuelayê şermezar kir. Patton got ku ev hilbijartin hilbijartineke siyasî ye û naye qebûlkirin.
Nûnerê Îranê Aref piştî hat hilbijartin û li pey nûnerê Amerîkayê mafê axaftinê girt û ji bo hatiye hilbijartin ji Koma Welatên Asya-Pasifik re sipas kir.
