Di navbera Pîremegrûn û Silêmaniyê de li nêzîk xala kontrolê ya Kelewanan beriya kêliyekê agir bi wesayetekê ket. Rêxistina CPT ya Amerîkî dibêje wesayît bi droneyê hatiye bombarankirin.
Li gor agahiyên herêmî, agir wesayîtek ji cûrê Toyota Land Cruiser ket û bi temamî şewitî. Di encamê de kesekê jiyana xwe ji dest da û kesek jî birîndar bû.
Lê heta niha di derbarê bûyerê de tu daxuyaniyek fermî nehatiye dayîn. Lêbelê, endamê CPT ya Amerîkî ji ajansa me re ragihand ku wesayîta ku kes tê de bûn hatiye bombebaran kirin.
Her wiha Qaymeqamê Dûkanê Sîrwan Serhed jî da zanîn ku nayê zanîn ka wesayît teqiyaye an jî hatiye bombebarankirin.
Li gor agahiyan, niha rêya ji Silêmanî ber bi Pîramagrûnê ve ji trafîkê re hatiye girtin û hêzên ewlehiyê derbarê bûyerê de dest bi lêkolîn û lêpirsîn kirine.
